3ನೇ ದಿನ 140 ರನ್ಗಳಿಗೆ 5 ವಿಕೆಟ್ ಕಳೆದುಕೊಂಡಿದ್ದ ದಕ್ಷಿಣ ಆಫ್ರಿಕಾ 4ನೇ ದಿನ ಆಟ ಮುಂದುವರೆಸಿತು. ಕೈಲ್ ವೆರಿನ್ ಮತ್ತು ವಿಯನ್ ಮೌಲ್ಡರ್ ಜೊತೆಯಾಟ ಕಟ್ಟಿದರು. ವೇಗದ ಆಟಕ್ಕೆ ಗಮನಕೊಟ್ಟ ವೆರಿನ್ ಅರ್ಧಶಕತದ ಗಡಿ ದಾಟಿದರು. ಆದರೆ ಮೌಲ್ಡರ್ 35 ರನ್ಗಳಿಸಿ ನಿರ್ಗಮಿಸಿದರು. ಮಾರ್ಕೋ ಜನ್ಸೆನ್ ಕೂಡ 9 ರನ್ಗಳಿಸಿ ಔಟಾದರು.
ಕಗಿಸೋ ರಬಾಡಾ ವೆರಿನ್ಗೆ ಸಾಥ್ ನೀಡಿದರು. ವೆರಿನ್ ಶತಕದ ಗಡಿ ಕೂಡ ದಾಟಿದರು. ವೆರಿನ್ 136 ರನ್ಗಳಿಸಿ ಅಜೇಯ ಆಟ ಆಡಿದರು. ರಬಾಡಾ 34 ಎಸೆತಗಳಲ್ಲಿ 47 ರನ್ ಸಿಡಿಸಿದರು. ದಕ್ಷಿಣ ಆಫ್ರಿಕಾ 2ನೇ ಇನ್ನಿಂಗ್ಸ್ನಲ್ಲಿ 9 ವಿಕೆಟ್ ಕಳೆದುಕೊಂಡು 354 ರನ್ಗಳಿಸಿದ್ದಾಗ ಇನ್ನಿಂಗ್ಸ್ ಡಿಕ್ಲೇರ್ ಮಾಡಿಕೊಂಡಿತು.
426 ರನ್ಗಳ ಗೆಲುವಿನ ಗುರಿ ಪಡೆದ ನ್ಯೂಜಿಲೆಂಡ್ ಟಾಮ್ ಲೇಥಮ್ (1) ಮತ್ತು ವಿಲ್ ಯಂಗ್ (0) ವಿಕೆಟ್ ಅನ್ನು ಬೇಗನೆ ಕಳೆದುಕೊಂಡಿತು. ಹೆನ್ರಿ ನಿಕೊಲಸ್ (7) ಮತ್ತು ಡೆರಿಲ್ ಮಿಚೆಲ್ (24) ಕೂಡ ಪವೆಲಿಯನ್ ಸೇರಿಕೊಂಡಿದ್ದಾರೆ. 60 ರನ್ಗಳಿಸಿ ಅಜೇಯರಾಗುಳಿದಿರುವ ಡೆವೊನ್ ಕಾನ್ವೆ 5ನೇ ದಿನ ಟಾಮ್ ಬ್ಲಂಡಲ್ ಜೊತೆ ಆಟ ಆರಂಭಿಸಲಿದ್ದಾರೆ. ದಕ್ಷಿಣ ಆಫ್ರಿಕಾದ ಬೌಲರ್ಗಳು ಪಂದ್ಯ ಗೆಲ್ಲಿಸಿಕೊಡುವ ಹುಮ್ಮಸ್ಸಿನಲ್ಲಿದ್ದರೆ, ಕಿವೀಸ್ ಉಳಿದಿರುವ ಬ್ಯಾಟರ್ಗಳಿಂದ ಪ್ರತಿರೋಧ ನಿರೀಕ್ಷೆ ಮಾಡುತ್ತಿದೆ.
