ಅತಿಥೇಯ ಶ್ರೀಲಂಕಾ ಹಾಗೂ ಪ್ರವಾಸಿ ಪಾಕಿಸ್ತಾನ ತಂಡಗಳು ಐಸಿಸಿ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ 2023-25ರ ತಮ್ಮ ಅಭಿಯಾನ ಆರಂಭಿಸಲು ಸಜ್ಜಾಗಿದ್ದು, ಉಭಯ ತಂಡಗಳ ನಡುವಿನ ಎರಡು ಪಂದ್ಯಗಳ ಟೆಸ್ಟ್ ಸರಣಿಯ ಮೊದಲ ಪಂದ್ಯ ಜುಲೈ 16ರಂದು ಆರಂಭವಾಗಲಿದೆ.
ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನ ಕಳೆದ ಆವೃತ್ತಿಯಲ್ಲಿ ಶ್ರೀಲಂಕಾ 5ನೇ ಸ್ಥಾನ ಪಡೆದರೆ, ಬಾಬರ್ ಅಜಂ ಸಾರಥ್ಯದ ಪಾಕಿಸ್ತಾನ 7ನೇ ಸ್ಥಾನ ಪಡೆದಿತ್ತು. ಹೀಗಾಗಿ ಉಭಯ ತಂಡಗಳು ಈ ಬಾರಿಯ ವಿಶ್ವ ಟೆಸ್ಟ್ ಚಾಂಪಿಯನ್ಷಿಪ್ನಲ್ಲಿ ಉತ್ತಮ ಪ್ರದರ್ಶನ ನೀಡುವ ತವಕದಲ್ಲಿದ್ದು, ಮೊದಲ ಸರಣಿಯನ್ನ ಗೆಲುವಿನೊಂದಿಗೆ ಆರಂಭಿಸಲು ಸಜ್ಜಾಗಿವೆ. ಎರಡು ತಂಡಗಳ ನಡುವಿನ ಮೊದಲ ಟೆಸ್ಟ್ ಪಂದ್ಯಕ್ಕಾಗಿ ಗಾಲೆಯ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ನಡೆದರೆ. ಎರಡನೇ ಟೆಸ್ಟ್ ಪಂದ್ಯ ಕೊಲಂಬೊದ ಸಿಂಹಳೀಸ್ ಸ್ಪೋರ್ಟ್ಸ್ ಕ್ಲಬ್ನಲ್ಲಿ ನಡೆಯಲಿದೆ.
ಎರಡು ತಂಡಗಳ ನಡುವಿನ ಈವರೆಗಿನ ಟೆಸ್ಟ್ ಮುಖಾಮುಖಿಯನ್ನ ಗಮನಿಸಿದರೆ ಪಾಕಿಸ್ತಾನ ಹಾಗೂ ಶ್ರೀಲಂಕಾ ತಂಡಗಳು ಈವರೆಗೂ 57 ಟೆಸ್ಟ್ ಪಂದ್ಯಗಳನ್ನಾಡಿವೆ. ಇದರಲ್ಲಿ ಪಾಕಿಸ್ತಾನ 21 ಹಾಗೂ ಶ್ರೀಲಂಕಾ 17 ಪಂದ್ಯಗಳಲ್ಲಿ ಜಯಭೇರಿ ಬಾರಿಸಿದ್ದು, ಉಳಿದ 19 ಪಂದ್ಯಗಳು ಡ್ರಾದಲ್ಲಿ ಕೊನೆಗೊಂಡಿವೆ. ಆದರೆ ಈ ಬಾರಿಯ ಸರಣಿ ಶ್ರೀಲಂಕಾದಲ್ಲಿ ನಡೆಯುತ್ತಿರುವ ಪರಿಣಾಮ ಲಂಕಾ ಪಡೆಗೆ ತವರಿನ ಲಾಭ ಸಿಗಲಿದೆ.
ಇನ್ನೂ ಪಾಕಿಸ್ತಾನ ತಂಡಕ್ಕೆ ವೇಗಿ ಶಾಹೀನ್ ಅಫ್ರಿದಿ ಒಂದು ವರ್ಷದ ಬಳಿಕ ಟೆಸ್ಟ್ ತಂಡಕ್ಕೆ ಮರಳಿದ್ದು, ಪಾಕ್ ತಂಡದ ಬಲವನ್ನ ಹೆಚ್ಚಿಸಿದೆ. ಸದ್ಯ ಟೆಸ್ಟ್ನಲ್ಲಿ 99 ವಿಕೆಟ್ಗಳನ್ನ ಪಡೆದಿರುವ ಶಾಹೀನ್ ಅಫ್ರಿದಿ 100 ವಿಕೆಟ್ಗಳನ್ನ ಪಡೆಯುವ ತವಕದಲ್ಲಿದ್ದಾರೆ. ಇವರೊಂದಿಗೆ ಅನ್ಕ್ಯಾಪ್ಡ್ ಆಟಗಾರರಾದ ಮುಹಮ್ಮದ್ ಹುರೈರಾ ಮತ್ತು ಅಮೀರ್ ಜಮಾಲ್ ಸಹ ಲಂಕಾ ವಿರುದ್ಧ ಕಣಕ್ಕಿಳಿಯುವ ನಿರೀಕ್ಷೆಯಲ್ಲಿದ್ದಾರೆ. ಮತ್ತೊಂದೆಡೆ, ಶ್ರೀಲಂಕಾ ಸಹ ಮೊದಲ ಟೆಸ್ಟ್ಗೆ ತನ್ನ ತಂಡವನ್ನು ಪ್ರಕಟಿಸಿದ್ದು, ದಿಲ್ಶನ್ ಮಧುಶಂಕ ಮತ್ತು ಸ್ಪಿನ್ ವಿಭಾಗದಲ್ಲಿ ಪ್ರಭಾತ್ ಜಯಸೂರ್ಯ, ರಮೇಶ್ ಮೆಂಡಿಸ್, ಕಮಿಂದು ಮೆಂಡಿಸ್, ಪ್ರವೀಣ್ ಜಯವಿಕ್ರಮ ಮತ್ತು ಅನ್ಕ್ಯಾಪ್ಡ್ ಆಟಗಾರ್ತಿ ಲಕ್ಷಿತಾ ಮಾನಸಿಂಘೆ ಅವರನ್ನು ಒಳಗೊಂಡಿದೆ.
SL v PAK, Sri Lanka, Pakistan, Test Cricket, Sports Karnataka