ಸಾಲು ಸಾಲು ಎಡವಟ್ಟುಗಳನ್ನು ಮಾಡಿದ ಆರ್ಸಿಬಿ ಕೋಲ್ಕತ್ತಾ ವಿರುದ್ಧ 21 ರನ್ ಗಳಿಂದ ಸೋತು ನಿರಾಸೆ ಅನುಭವಿಸಿದೆ.
ಬೆಂಗಳೂರಿನ ಚಿನ್ನಸ್ವಾಮಿ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಟಾಸ್ ಸೋತು ಮೊದಲು ಬ್ಯಾಟಿಂಗ್ ಮಾಡಿದ ಆರ್ಸಿಬಿ 20 ಓವರ್ಗಳಲ್ಲಿ 5 ವಿಕೆಟ್ ನಷ್ಟಕ್ಕೆ 200 ರನ್ ಗಳಿಸಿತು. ಆರ್ಸಿಬಿ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 179 ರನ್ ಕಲೆ ಹಾಕಿತು.
201 ರನ್ ಗುರಿ ಬೆನ್ನತ್ತಿದ ಆರ್ಸಿಬಿಗೆ ನಾಯಕ ಫಾಫ್ ಡುಪ್ಲೆಸಿಸ್ (17ರನ್) ಹಾಗೂ ವಿರಾಟ್ ಕೊಹ್ಲಿ ಮೊದಲ ವಿಕೆಟ್ಗೆ 31 ರನ್ ಸೇರಿಸಿದರು. ನಂತರ ಬಂದ ಶಹಬಾಜ್ ಅಹ್ಮದ್ (2ರನ್)ಮತ್ತು ಗ್ಲೆನ್ ಮ್ಯಾಕ್ಸ್ ವೆಲ್ (5 ರನ್) ಬೇಗೆನೆ ಪೆವಿಲಿಯನ್ ಸೇರಿದರು.
ಮಹಿಪಾಲ್ ಲೊಮ್ರೊರ್ 34ರನ್ ಹೊಡೆದು ಭರವಸೆ ಮೂಡಿಸಿದರು. ಆದರೆ ಮತ್ತೆ ದಾಳಿಗಿಳಿದ ವರುಣ್ಗೆ ವಿಕೆಟ್ ಒಪ್ಪಿಸಿ ಹೊರ ನಡೆದರು. ವಿರಾಟ್ ಕೊಹ್ಲಿ 33 ಎಸೆತದಲ್ಲಿ ಅರ್ಧ ಶತಕ ಸಿಡಿಸಿದರು. ವಿರಾಟ್ ಕೊಹ್ಲಿ ರಸೆಲ್ ಎಸೆತದಲ್ಲಿ ಹೊಡೆದ ಚೆಂಡನ್ನು ಬೌಂಡರಿ ಗೆರೆಯಲ್ಲಿ ವೆಂಕಟೇಶ್ ಅಯ್ಯರ್ ಸೊಗಸಾಗಿ ಹಿಡಿದರು. ನಂತರ ನಂತರ ಆರ್ಸಿಬಿ ಮೇಲೆರಲಿಲ್ಲ.
ದಿನೇಶ್ ಕಾರ್ತಿಕ್ 22, ಸುಯೇಶ್ ಪ್ರಭುದೇಸಾಯಿ 10, ವನಿಂದು ಹಸರಮಗ 5, ಡೇವಿಡ್ ವಿಲ್ಲಿ ಅಜೇಯ 11, ವಿಜಯ್ ಕುಮಾರ್ ವೈಶಾಕ್ ಅಜೇಯ1 3 ರನ್ ಗಳಿಸಿದರು.
ಕೆಕೆಆರ್ ಪರ ವರುಣ್ ಚಕ್ರವರ್ತಿ 27ಕ್ಕೆ 3, ಆ್ಯಂಡ್ರೆ ರಸ್ಸೆಲ್ 29ಕ್ಕೆ 2, ಸುಯೇಶ್ ಶರ್ಮಾ 30ಕ್ಕೆ 2 ವಿಕೆಟ್ ಪಡೆದರು.
ಇದಕ್ಕೂ ಮುನ್ನ ಕೋಲ್ಕತ್ತಾ ಪರ ಜಾಸನ್ ರಾಯ್ 56, ನಾರಾಯಣ್ ಜಗದೀಶನ್ 27, ನಿತೀಶ್ ರಾಣಾ 48, ವೆಂಕಟೇಶ್ ಅಯ್ಯರ್ 31 ರನ್ ಗಳಿಸಿದರು.
ಆರ್ಸಬಿ ಪರ ವನಿಂದು ಹಸರಂಗ 24ಕ್ಕೆ 2, ವಿಜಯ್ ಕುಮಾರ್ ವೈಶಾಕ್ 41ಕ್ಕೆ 2, ಸಿರಾಜ್ 33ಕ್ಕೆ 1 ವಿಕೆಟ್ ಪಡೆದರು.