Rahul Dravid & Ross Taylor – ಒಂದು ಸಫಾರಿ ಕಥೆ.. ಹುಲಿ ನೋಡಲು ಬಂದವರು ಮುಗಿಬಿದ್ದಿದ್ದು ಜಾಮಿ ಮೇಲೆ..!
![Rahul Dravid & Ross Taylor - ಒಂದು ಸಫಾರಿ ಕಥೆ.. ಹುಲಿ ನೋಡಲು ಬಂದವರು ಮುಗಿಬಿದ್ದಿದ್ದು ಜಾಮಿ ಮೇಲೆ..! 3 rahul dravid team india head coach sports karnataka](http://sportskarnataka.com/wp-content/uploads/2022/07/rahul-dravid-300x250.jpg)
ರಾಸ್ ಟೇಲರ್ ಬ್ಲ್ಯಾಕ್ & ವೈಟ್. ಇದು ನ್ಯೂಜಿಲೆಂಡ್ ನ ಸ್ಟಾರ್ ಆಟಗಾರ ರಾಸ್ ಟೇಲರ್ ಅವರ ಆಟೋ ಬಯೋಗ್ರಫಿ. ಈ ಆತ್ಮ ಚರಿತ್ರೆ ಪುಸ್ತಕರದಲ್ಲಿ ಕೆಲವೊಂದು ಆಘಾತಕಾರಿ ಸಂಗತಿಗಳನ್ನು ಕೂಡ ಅವರು ಬಹಿರಂಗಪಡಿಸಿದ್ದಾರೆ. ಅದೇ ರೀತಿ ಕೆಲವೊಂದು ಆಸಕ್ತಿಕರ ವಿಚಾರಗಳನ್ನು ಕೂಡ ಬರೆದುಕೊಂಡಿದ್ದಾರೆ.
ಈಗಾಗಲೇ ರಾಸ್ ಟೇಲರ್ ಅವರು ಬರೆದುಕೊಂಡಿರುವ ಪುಸ್ತಕದಲ್ಲಿ ಐಪಿಎಲ್ ಮಾಲೀಕರು ಕೆನ್ನೆಗೆ ಹೊಡೆದಿದ್ದರು ಎಂದು ಹೇಳುವ ಮೂಲಕ ಶಾಕ್ ನೀಡಿದ್ದರು. 2011ರ ಐಪಿಎಲ್ ಟೂರ್ನಿಯಲ್ಲಿ ನಾನು ಶೂನ್ಯಕ್ಕೆ ಔಟಾದಾಗ ರಾಜಸ್ತಾನ ರಾಯಲ್ಸ್ ನ ಮಾಲೀಕರೊಬ್ಬರು ಕಪಾಳಮೋಕ್ಷ ಮಾಡಿದ್ದರು ಎಂದು ಪುಸ್ತಕದಲ್ಲಿ ಬರೆದು ವಿವಾದಕ್ಕೂ ಕಾರಣರಾಗಿದ್ದರು.
ಅಷ್ಟೇ ಅಲ್ಲ, ತನ್ನ ಆತ್ಮ ಚರಿತ್ರೆಯಲ್ಲಿ ರಾಸ್ ಟೇಲರ್ ಅವರು ರಾಹುಲ್ ದ್ರಾವಿಡ್ ಬಗ್ಗೆಯೂ ಬರೆದುಕೊಂಡಿದ್ದಾರೆ.
ಅದು 2011ರ ಐಪಿಎಲ್. ನಾನು ಆಗ ರಾಜಸ್ತಾನ ರಾಯಲ್ಸ್ ತಂಡದ ಪರ ಆಡುತ್ತಿದೆ. ಆಗಿನ್ನು ನಾನು ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ಎಂಟ್ರಿಕೊಟ್ಟಿದ್ದೆ ಅಷ್ಟೇ. ರಾಹುಲ್ ದ್ರಾವಿಡ್ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳಿದ್ದರು. ರಾಜಸ್ತಾನ ರಾಯಲ್ಸ್ ತಂಡದ ಪರ ಆಡುತ್ತಿದ್ದರು.
ಹೌದು, ಭಾರತದಲ್ಲಿ ಕ್ರಿಕೆಟ್ ಅನ್ನೋದು ಧರ್ಮ. ಇಲ್ಲಿ ಆಟಗಾರರನ್ನು ಅಭಿಮಾನಿಗಳು ತುಂಬಾ ಪ್ರೀತಿಸುತ್ತಾರೆ. ಹೀಗಾಗಿ ಆಟಗಾರರಿಗೆ ಹೊರಗಡೆ ಮುಕ್ತವಾಗಿ ತಿರುಗಾಟ ನಡೆಸಲು ಸಾಧ್ಯವಾಗುವುದಿಲ್ಲ.
ಅದೊಂದು ದಿನ ನಾವು ಹುಲಿಯನ್ನು ನೋಡಲು ಕಾಡಿಗೆ ಸಫಾರಿಗೆ ಹೊರಟ್ಟಿದ್ದೇವು. ಆಗ ರಾಹುಲ್ ದ್ರಾವಿಡ್ ಕೂಡ ನಮ್ಮ ಜೊತೆಗೆ ಇದ್ದರು. ಆದ್ರೆ ರಾಹುಲ್ ದ್ರಾವಿಡ್ 21 ಬಾರಿ ಹುಲಿ ನೋಡಲು ಕಾಡಿಗೆ ಸಫಾರಿ ಮಾಡಿದ್ದರು. ಆದ್ರೆ 21 ಬಾರಿ ಕೂಡ ರಾಹುಲ್ ದ್ರಾವಿಡ್ ಹುಲಿಯನ್ನು ನೋಡಿರಲಿಲ್ಲ. ಹೀಗಾಗಿ 22ನೇ ಸಫಾರಿಗೆ ರಾಹುಲ್ ದ್ರಾವಿಡ್ ಅಷ್ಟೊಂದು ಆಸಕ್ತಿಯನ್ನು ಹೊಂದಿರಲಿಲ್ಲ.
ಆದ್ರೆ ಮಧ್ಯಾಹ್ನದ ವೇಳೆ ಅರಣ್ಯ ಸಿಬ್ಬಂದಿಗಳು ಅಪರೂಪದ ಟಿ-17 ಎಂಬ ಹುಲಿ ಇದೆ ಎಂಬ ಸುದ್ದಿ ಬಂದಿತ್ತು. ಆ ಸುದ್ದಿ ಕೇಳಿದ ತಕ್ಷಣವೇ ರಾಹುಲ್ ದ್ರಾವಿಡ್ ರೋಮಾಂಚನಗೊಂಡಿದ್ದರು. ನಾವೇಲ್ಲಾ ರಣಥಂಬೋರ್ ರಾಷ್ಟ್ರೀಯ ಉದ್ಯಾನವಕ್ಕೆ ತೆರಳಿದ್ದೇವು. ನಾವು ಲ್ಯಾಂಡ್ ರೋವರ್ ಗಿಂತ ಸ್ವಲ್ಪ ದೊಡ್ಡದಾಗಿರುವ ಓಪನ್ ಟಾಪ್ ಎಸ್ ಯುವಿ ವಾಹನದಲ್ಲಿ ತೆರಳಿದ್ದೇವು. ನಮ್ಮಂತೆ ಸಫಾರಿ ನಡೆಸಲು ಸಾಕಷ್ಟು ಜನ ಬಂದಿದ್ದರು. ನಮ್ಮಿಂದ ಹುಲಿ ಸುಮಾರು 100 ಮೀಟರ್ ದೂರದ ಬಂಡೆಯ ಮೇಲೆ ಹುಲಿ ನಿಂತಿತ್ತು. ನಾವೆಲ್ಲಾ ಹುಲಿಯನ್ನು ನೋಡಲು ಉತ್ಸುಕರಾಗಿದ್ದೇವು. ಆದ್ರೆ ಜನ ಹುಲಿ ಬದಲು ರಾಹುಲ್ ದ್ರಾವಿಡ್ ಅವರನ್ನು ನೋಡುತ್ತಿದ್ದರು. ಹುಲಿ ಫೋಟೋ ತೆಗೆಯುವ ಬದಲು ರಾಹುಲ್ ದ್ರಾವಿಡ್ ಅವರ ಫೋಟೋಗಳನ್ನು ತೆಗೆದುಕೊಳ್ಳುತ್ತಿದ್ದರು. ಪ್ರಪಂಚದಲ್ಲಿ ಸುಮಾರು 4000 ಹುಲಿಗಳಿವೆ. ಆದ್ರೆ ಲ್ಲಿ ಒಬ್ಬನೇ ರಾಹುಲ್ ದ್ರಾವಿಡ್ ಎಂದು ರಾಸ್ ಟೇಲರ್ ಅವರು ತನ್ನ ಪುಸ್ತಕದಲ್ಲಿ ಬರೆದುಕೊಂಡಿದ್ದಾರೆ.
38ರ ಹರೆಯದ ರಾಸ್ ಟೇಲರ್ ಅದ್ಭುತ ಆಟಗಾರ. ನ್ಯೂಜಿಲೆಂಡ್ ತಂಡದ ಆಟಗಾರನಾಗಿ, ನಾಯಕನಾಗಿದ್ದರು. ಐಪಿಎಲ್ ನಲ್ಲೂ ರಾಜಸ್ತಾನ ರಾಯಲ್ಸ್, ಆರ್ ಸಿಬಿ ಪರ ಕೂಡ ಆಡಿದ್ದರು.
38ರ ಹರೆಯದ ರಾಸ್ ಟೇಲರ್ ಅವರು ತನ್ನ ಆತ್ಮ ಚರಿತ್ರೆಯಲ್ಲಿ ಹಲವು ವಿಷಯಗಳನ್ನು ಪ್ರ
ಸ್ತಾಪ ಮಾಡಿದ್ದಾರೆ. ತನ್ನ ಕ್ರಿಕೆಟ್ ಬದುಕಿನಲ್ಲಿ ವರ್ಣ ಭೇದ ನೀತಿಯ ನಿದರ್ಶನಗಳನ್ನು ಕೂಡ ಬರೆದುಕೊಂಡಿದ್ದಾರೆ.
![Rahul Dravid & Ross Taylor - ಒಂದು ಸಫಾರಿ ಕಥೆ.. ಹುಲಿ ನೋಡಲು ಬಂದವರು ಮುಗಿಬಿದ್ದಿದ್ದು ಜಾಮಿ ಮೇಲೆ..! 5 ross taylor rcb sports karnataka ipl](http://sportskarnataka.com/wp-content/uploads/2022/03/ross-taylor2-300x258.jpg)
ಇನ್ನು ರಾಸ್ ಟೇಲರ್ ಅವರು ವೀರೇಂದ್ರ ಸೆಹ್ವಾಗ್ ಅವರ ಹಾಸ್ಯ ಪ್ರವೃತ್ತಿಯನ್ನು ತನ್ನ ಪುಸ್ತಕದಲ್ಲಿ ಹೇಳಿಕೊಂಡಿದ್ದಾರೆ. ನೀನು ಸಿಗಡಿ ತಿನ್ನುವಂತೆ ಬ್ಯಾಟಿಂಗ್ ಮಾಡುತ್ತಿಯಾ ಎಂದು ಹಾಸ್ಯವಾಗಿ ವೀರೂ ಹೇಳುತ್ತಿದ್ದರು ಎಂಬುದನ್ನು ಕೂಡ ಪ್ರಸ್ತಾಪ ಮಾಡಿದ್ದಾರೆ.
ಒಟ್ಟಿನಲ್ಲಿ ರಾಸ್ ಟೇಲರ್ ಅವರು ತನ್ನ ಪುಸ್ತಕದಲ್ಲಿ ಹಲವು ವಿಷಯಗಳನ್ನು ಪ್ರಸ್ತಾಪ ಮಾಡಿದ್ದಾರೆ. ವಿವಾದಗಳು ಏನೇ ಇರಲಿ, ರಾಸ್ ಟೇಲರ್ ಅವರು ರಾಹುಲ್ ದ್ರಾವಿಡ್ ಮೇಲಿಟ್ಟಿರುವ ಗೌರವ ಮತ್ತು ಸೆಹ್ವಾಗ್ ಮೇಲಿನ ಪ್ರೀತಿ, ಭಾರತದಲ್ಲಿ ಕ್ರಿಕೆಟ್ ಆಟಗಾರರನ್ನು ಯಾವ ರೀತಿ ಪ್ರೀತಿ ಮಾಡ್ತಾರೆ ಎಂಬುದನ್ನೆಲ್ಲಾ ತನ್ನ ಪುಸ್ತಕದಲ್ಲಿ ಬರೆದುಕೊಂಡಿದ್ದಾರೆ.