ಇಂಡಿಯನ್ ಪ್ರೀಮಿಯರ್ ಲೀಗ್ (ಐಪಿಎಲ್) 2021 ರ ನಂತರ ರಾಯಲ್ ಚಾಲೆಂಜರ್ಸ್ ಬೆಂಗಳೂರು (ಆರ್‌ಸಿಬಿ) ನಾಯಕತ್ವವನ್ನು ತೊರೆದ ವಿರಾಟ್ ಕೊಹ್ಲಿ, ತಮಗಾಗಿ ಸಮಯ ಮತ್ತು ಕೆಲಸದ ಹೊರೆ ಕಡಿಮೆ ಮಾಡಲು ಈ ನಿರ್ಧಾರವನ್ನು ತೆಗೆದುಕೊಂಡಿದ್ದೇನೆ ಎಂದು ಹೇಳಿದ್ದಾರೆ.
ಐಪಿಎಲ್ ಹಾಗೂ ಟಿ-20 ಮಾದರಿಯಿಂದಲೂ ಟೀಂ ಇಂಡಿಯಾ ನಾಯಕತ್ವ ತ್ಯಜಿಸುವುದಾಗಿ ಕೊಹ್ಲಿ ಘೋಷಿಸಿದ್ದರು. ಭಾರತ ತಂಡದ ನಾಯಕನಾಗಿ ಟಿ-20 ವಿಶ್ವಕಪ್ ನನ್ನ ಕೊನೆಯ ಟೂರ್ನಿಯಾಗಿದೆ ಎಂದು ವಿರಾಟ್ ಹೇಳಿದ್ದರು.
ವಿರಾಟ್ ಭಾರತ ತಂಡದ ನಾಯಕತ್ವವನ್ನು ಮುಂದುವರಿಸಬೇಕೆಂದು ಬಿಸಿಸಿಐ ಬಯಸಿದ್ದರೂ, ಕೊಹ್ಲಿ ಟಿ-20 ಸ್ವರೂಪದಿಂದ ಕೆಳಗಿಳಿದ ನಂತರ ಮಂಡಳಿಯು ಏಕದಿನ ನಾಯಕತ್ವವನ್ನು ಸಹ ಕಸಿದುಕೊಂಡಿತು.
“ವಿಷಯಗಳನ್ನು ತಡೆಹಿಡಿಯಲು ಬಯಸುವ ಜನರಲ್ಲಿ ನಾನು ಒಬ್ಬನಲ್ಲ. ನಾನು ಬಹಳಷ್ಟನ್ನು ಮಾಡಬಲ್ಲೆನೆಂದು ತಿಳಿದಿದ್ದರೂ, ಆ ಕೆಲಸವನ್ನು ಮಾಡುವುದರಲ್ಲಿ ನನಗೆ ಸಂತೋಷವಿಲ್ಲದಿದ್ದರೆ, ನಾನು ಆ ಕೆಲಸವನ್ನು ಮಾಡುವುದಿಲ್ಲ” ಎಂದಿದ್ದಾರೆ.
ವಿರಾಟ್ ಕೊಹ್ಲಿ ಆರ್‌ಸಿಬಿ ನಾಯಕತ್ವ ತೊರೆದ ನಂತರ, ಒತ್ತಡದಿಂದಾಗಿ ಕೊಹ್ಲಿ ನಾಯಕತ್ವಕ್ಕೆ ರಾಜೀನಾಮೆ ನೀಡಿದ್ದಾರೆ ಎಂದು ವರದಿಯಾಗಿತ್ತು. ಈ ಬಗ್ಗೆ ವಿರಾಟ್ ಮಾತನಾಡಿರುವ ವಿರಾಟ್ – ವಾಸ್ತವವಾಗಿ ಈ ರೀತಿ ಏನೂ ಇರಲಿಲ್ಲ. ನಾನು ನನ್ನ ಜೀವನವನ್ನು ಅತ್ಯಂತ ಸರಳ ರೀತಿಯಲ್ಲಿ ಬದುಕುತ್ತೇನೆ. ನಾನು ನಿರ್ಧಾರಗಳನ್ನು ತೆಗೆದುಕೊಳ್ಳಬೇಕಾದಾಗ, ನಾನು ಅವುಗಳನ್ನು ತೆಗೆದುಕೊಳ್ಳುತ್ತೇನೆ ಮತ್ತು ಘೋಷಿಸುತ್ತೇನೆ” ಎಂದು ತಿಳಿಸಿದ್ದಾರೆ.
ವಿರಾಟ್ ಕೊಹ್ಲಿ 2013 ರ ಋತುವಿನಿಂದ ಆರ್ ಸಿಬಿ ಗೆ ನಾಯಕರಾಗಿದ್ದರು. ಅವರ ನಾಯಕತ್ವದಲ್ಲಿ, ತಂಡವು ಖಂಡಿತವಾಗಿಯೂ 2016 ರ ಫೈನಲ್ ತಲುಪಿತ್ತು. ಆದರೆ ಒಂದೇ ಒಂದು ಪ್ರಶಸ್ತಿಯನ್ನು ಗೆಲ್ಲಲು ಸಾಧ್ಯವಾಗಲಿಲ್ಲ. ವಿರಾಟ್ ಐಪಿಎಲ್‌ನಲ್ಲಿ 140 ಪಂದ್ಯಗಳಲ್ಲಿ ತಂಡವನ್ನು ಮುನ್ನಡೆಸಿದ್ದಾರೆ. ಈ ಪೈಕಿ ಆರ್‌ಸಿಬಿ 64ರಲ್ಲಿ ಗೆಲುವು ಸಾಧಿಸಿದೆ. 69 ಪಂದ್ಯಗಳಲ್ಲಿ ಸೋತಿದೆ. 3 ಪಂದ್ಯಗಳು ಟೈ ಆಗಿದ್ದು, 4 ಪಂದ್ಯಗಳು ಫಲಿತಾಂಶವಿಲ್ಲದೆ ಅಂತ್ಯಗೊಂಡಿವೆ
