MR Poovamma ಗೆ ಎರಡು ವರ್ಷ ನಿಷೇಧ..! ಹೆಮ್ಮೆಯ ಅಥ್ಲೀಟ್ಗೆ ಕಪ್ಪುಚುಕ್ಕೆಯಾದ ಡೋಪಿಂಗ್..!
![MR Poovamma ಗೆ ಎರಡು ವರ್ಷ ನಿಷೇಧ..! ಹೆಮ್ಮೆಯ ಅಥ್ಲೀಟ್ಗೆ ಕಪ್ಪುಚುಕ್ಕೆಯಾದ ಡೋಪಿಂಗ್..! 3 MR Poovamma sports karnataka](http://sportskarnataka.com/wp-content/uploads/2022/09/poovamma14-201x300.png)
ಎಮ್. ಆರ್. ಪೂವಮ್ಮ.. ಕರ್ನಾಟಕದ ಹೆಮ್ಮೆಯ ಅಥ್ಲೀಟ್. ಕರಾವಳಿಯ ಹುಡುಗಿ ಭಾರತದ ಅಪ್ರತಿಮ ಕ್ರೀಡಾಪಟುವಾಗಿ ರೂಪುಗೊಂಡಿದ್ದೇ ಒಂದು ರೋಚಕ ಸ್ಟೋರಿ. ಹಲವು ಅಂತಾರಾಷ್ಟ್ರೀಯ ಕ್ರೀಡಾಕೂಟಗಳಲ್ಲಿ ಪದಕ ಗೆದ್ದುಕೊಂಡಿದ್ದ ಎಮ್. ಆರ್. ಪೂವಮ್ಮ ಅವರಿಗೆ ಪ್ರತಿಷ್ಠಿತ ಅರ್ಜುನ ಪ್ರಶಸ್ತಿ ನೀಡಿ ಗೌರವಿಸಲಾಗಿತ್ತು.
ಆದ್ರೆ ಇದೀಗ ಎಮ್. ಆರ್. ಪೂವಮ್ಮ ಅವರ ಕ್ರೀಡಾಬದುಕಿಗೆ ಕಪ್ಪುಚುಕ್ಕೆಯೊಂದು ಆವರಿಸಿಕೊಂಡಿದೆ. ಹೌದು. ಪೂವಮ್ಮ ಅವರು ಡೋಪಿಂಗ್ ಬಲೆಯೊಳಗೆ ಸಿಲುಕಿ ಎರಡು ವರ್ಷಗಳ ನಿಷೇಧವನ್ನು ವಿಧಿಸಲಾಗಿದೆ.
400 ಮೀಟರ್ ಓಟಗಾರ್ತಿಯಾಗಿರುವ ಪೂವಮ್ಮ ಅವರು ಭಾರತ ಮಹಿಳಾ 400/4 ಮೀಟರ್ ರಿಲೇ ಹಾಗೂ 4/400 ಮೀಟರ್ ಮಿಕ್ಸೆಡ್ ರಿಲೇ ತಂಡದ ಓಟಗಾರ್ತಿಯಾಗಿದ್ದಾರೆ. 2014 ಮತ್ತು 2018ರ ಏಷ್ಯಾನ್ ಗೇಮ್ಸ್ ನಲ್ಲಿ ಚಿನ್ನ ಗೆದ್ದ ತಂಡ ಸದಸ್ಯೆಯಾಗಿದ್ದಾರೆ.
32ರ ಹರೆಯದ ಪೂವಮ್ಮ ಅವರನ್ನು ಕಳೆದ ವರ್ಷ ಡೋಪಿಂಗ್ ಟೆಸ್ಟ್ ಗೆ ಒಳಪಡಿಸಲಾಗಿತ್ತು. 2021ರ ಫೆಬ್ರವರಿ 18ರಂದು ಪಟಿಯಾಲದಲ್ಲಿ ನಡೆದ ಇಂಡಿಯನ್ ಗ್ರ್ಯಾಂಡ್ ಪ್ರಿಕ್ಸ್ -1 ಕ್ರೀಡಾಕೂಟದ ವೇಳೆ ಸ್ಯಾಂಪಲ್ ಟೆಸ್ಟ್ ಗೆ ಒಳಪಡಿಸಲಾಗಿತ್ತು. ಅಲ್ಲದೆ ಡೋಪಿಂಗ್ ಟೆಸ್ಟ್ ನಲ್ಲಿ ಪಾಟಿಟಿವ್ ಬಂದಿದ್ದು, ಮೀಥೈಲ್ ಹೆಕ್ಸನಿಯಮೈನ್ ಅಂಶ ಪತ್ತೆಯಾಗಿತ್ತು. ಇದು ವಾಡಾಗೆ ವಿರುದ್ಧವಾಗಿರುವುದರಿಂದ ಅವರಿಗೆ ಮೂರು ತಿಂಗಳುಗಳ ನಿಷೇಧವನ್ನು ವಿಧಿಸಲಾಗಿತ್ತು. ಹಾಗೇ ಪೂವಮ್ಮ ಅವರು ಕಳೆದ ವರ್ಷ ಟೋಕಿಯೋ ಒಲಿಂಪಿಕ್ಸ್ ನ ಆಯ್ಕೆ ಟ್ರಯಲ್ಸ್ ನಲ್ಲೂ ಭಾಗವಹಿಸಿರಲಿಲ್ಲ. ಬಳಿಕ ಅವರು ರಾಷ್ಟ್ರೀಯ ತರಬೇತಿ ಶಿಬಿರದಿಂದಲೂ ಹೊರಬಂದಿದ್ದರು. ಇದೀಗ ನಾಡಾ ಸಂಸ್ಥೆಯು
![MR Poovamma ಗೆ ಎರಡು ವರ್ಷ ನಿಷೇಧ..! ಹೆಮ್ಮೆಯ ಅಥ್ಲೀಟ್ಗೆ ಕಪ್ಪುಚುಕ್ಕೆಯಾದ ಡೋಪಿಂಗ್..! 4 MR Poovamma sports karnataka](http://sportskarnataka.com/wp-content/uploads/2022/09/poovamma-12-300x170.png)
ಪೂವಮ್ಮ ಅವರಿಗೆ ಎರಡು ವರ್ಷಗಳ ನಿಷೇಧವನ್ನು ವಿಧಿಸಿದೆ. ಹೀಗಾಗಿ ಅವರು ಕಳೆದ ವರ್ಷದಿಂದ ಗೆದ್ದ ಮೂರು ಪದಕಗಳನ್ನು ವಾಪಸು ಪಡೆದುಕೊಳ್ಳಲಾಗಿದೆ. ಉಣಡುಯನ್ ಗ್ರ್ಯಾಂಡ್ ಪ್ರಿಕ್ಸ್-1 ಇಂಡಿಯನ್ ಗ್ರ್ಯಾಂಡ್ ಪ್ರಿಕ್ಸ್-2 ಮತ್ತು ಫೆಡರೇಶನ್ ಕಪ್ ನಲ್ಲಿ ಭಾಗವಹಿಸಿ ಬೆಳ್ಳಿಯ ಪದಕಗಳನ್ನು ಗೆದ್ದುಕೊಂಡಿದ್ದರು. ಇದೀಗ ಆ ಮೂರು ಪದಕಗಳನ್ನು ವಾಪಸು ಪಡೆದುಕೊಳ್ಳಲಾಗಿದೆ.