ಏಕದಿನ ಕ್ರಿಕೆಟ್ ಸರಣಿಯಲ್ಲಿ ಟೀಮ್ ಇಂಡಿಯಾಗೆ ಮಹಾ ಮಂಗಳಾರತಿ ಆಗಿದ್ದು ಇದು ಫಸ್ಟ್ ಟೈಮ್ ಅಲ್ಲ..!
ದಕ್ಷಿಣ ಆಫ್ರಿಕಾ ವಿರುದ್ಧದ ಏಕದಿನ ಸರಣಿಯಲ್ಲಿ ಟೀಮ್ ಇಂಡಿಯಾ ಮಹಾ ಮಂಗಳಾರತಿ ಮಾಡಿಸಿಕೊಂಡಿದೆ.
ಮೂರನೇ ಏಕದಿನ ಪಂದ್ಯವನ್ನೂ ಸೋತ ಟೀಮ್ ಇಂಡಿಯಾ ಸರಣಿಯಲ್ಲಿ ವೈಟ್ ಮಾಡಿಸಿಕೊಂಡಿದೆ. ಈ ಮೂಲಕ ಟೀಮ್ ಇಂಡಿಯಾ ನಾಯಕ ಕೆ.ಎಲ್. ರಾಹುಲ್ ಅವರ ಹೆಸರು ಅನಗತ್ಯ ದಾಖಲೆಯ ಪಟ್ಟಿಗೂ ಸೇರಿಕೊಂಡಿದೆ.
KL Rahul Bags Unwanted Record; Becomes First Indian Captain
ನಾಯಕನಾಗಿ ಚೊಚ್ಚಲ ಸರಣಿಯನ್ನು ವೈಟ್ ವಾಶ್ ಮಾಡಿಕೊಂಡು ಸೋತ ಟೀಮ್ ಇಂಡಿಯಾದ ಮೊದಲ ನಾಯಕ ಎಂಬ ಹಣೆಪಟ್ಟಿ ರಾಹುಲ್ ಅವರದ್ದಾಗಿದೆ.
ಅಂದ ಹಾಗೇ ಏಕದಿನ ಸರಣಿಯಲ್ಲಿ ಟೀಮ್ ಇಂಡಿಯಾ ವೈಟ್ ವಾಶ್ ಮಾಡಿಸಿಕೊಂಡಿರುವುದು ಇದೇನೂ ಮೊದಲಲ್ಲ. ಆದ್ರೆ ಕಳೆದ 25 ವರ್ಷಗಳಲ್ಲಿ ಇದು ಎರಡನೇ ಬಾರಿ. ಈ ಹಿಂದೆ 2020ರಲ್ಲಿ ನ್ಯೂಜಿಲೆಂಡ್ ವಿರುದ್ಧ ಟೀಮ್ ಇಂಡಿಯಾ 3-0ಯಿಂದ ಏಕದಿನ ಸರಣಿಯನ್ನು ಸೋತಿತ್ತು. ಅದು ಕೂಡ ವಿರಾಟ್ ಕೊಹ್ಲಿ ನಾಯಕತ್ವದಲ್ಲಿ. ಇದೀಗ ರಾಹುಲ್ ನಾಯಕತ್ವದಲ್ಲಿ ಮತ್ತೊಮ್ಮೆ ಸೋತಿದೆ.
ಇನ್ನು ಕ್ರಿಕೆಟ್ ಇತಿಹಾಸ ಪುಟಗಳನ್ನು ತೆರೆದು ನೋಡಿದಾಗ 1983ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ 0-5ರಿಂದ, 1989ರಲ್ಲಿ ವೆಸ್ಟ್ ಇಂಡೀಸ್ ವಿರುದ್ಧ 0-5ರಿಂದ ಹಾಗೂ 1997ರಲ್ಲಿ ಶ್ರೀಲಂಕಾ ವಿರುದ್ಧ 0-3ರಿಂದ ಸೋತು ಸರಣಿಯನ್ನು ವೈಟ್ ವಾಶ್ ಮಾಡಿಸಿಕೊಂಡಿತ್ತು.
ಒಟ್ಟಾರೆ, ಟೀಮ್ ಇಂಡಿಯಾ ಐದು ಬಾರಿ, ಮೂರಕ್ಕಿಂತ ಹೆಚ್ಚಿನ ಏಕದಿನ ಪಂದ್ಯಗಳಲ್ಲಿ ಗೆಲುವು ದಾಖಲಿಸದೇ ನಿರಾಸೆ ಅನುಭವಿಸಿದೆ.
ಇನ್ನೊಂದೆಡೆ ಕೆ.ಎಲ್. ರಾಹುಲ್ ಅವರ ನಾಯಕತ್ವದ ಬಗ್ಗೆ ಸಾಕಷ್ಟು ಟೀಕೆಗಳು ಕೇಳಿಬರುತ್ತಿವೆ. ನಾಯಕನಾಗಿ ರಾಹುಲ್ ಪ್ರಬುದ್ಧರಾಗಿಲ್ಲ. ಮಾನಸಿಕವಾಗಿಯೂ ಗಟ್ಟಿಯಾಗಿಲ್ಲ. ಆಟಗಾರರ ಜೊತೆ ಸರಿಯಾದ ಹೊಂದಾಣಿಕೆ ಇಲ್ಲ. ಆಕ್ರಮಣಕಾರಿ ಪ್ರವೃತ್ತಿ ಇಲ್ಲ. ಸಮಯೋಚಿತವಾಗಿ ಬೌಲಿಂಗ್ ಅಥವಾ ಫೀಲ್ಡಿಂಗ್ ಸೆಟ್ ಮಾಡಿಲ್ಲ. ತಂಡಕ್ಕೆ ಆತ್ಮವಿಶ್ವಾಸವನ್ನು ತುಂಬಲು ಎಡವಿದ್ದಾರೆ. ಹೀಗೆ ಸಾಕಷ್ಟು ಟೀಕೆಗಳು ಕೇಳಿಬರುತ್ತಿವೆ.
ಆದ್ರೆ ನೆನಪಿಡಿ.. ದಕ್ಷಿಣ ಆಫ್ರಿಕಾ ಪ್ರವಾಸದಲ್ಲಿ ಟೀಮ್ ಇಂಡಿಯಾ ಒಗ್ಗಟ್ಟಿನ ಪ್ರದರ್ಶನ ನೀಡಿಲ್ಲ. ತಂಡದಲ್ಲಿ ಬಿರುಕಿದೆ. ಆಟಗಾರರು ಗೊಂದಲದಲ್ಲೂ ಇದ್ರು. ವಿರಾಟ್ ನಾಯಕನಾಗಿದ್ದ ಧೋನಿಯ ಬೆಂಬಲವಿತ್ತು. ಆದ್ರೆ ರಾಹುಲ್ ನಾಯಕನಾಗಿದ್ದಾಗ ವಿರಾಟ್ ಬೆಂಬಲವಿರಲಿಲ್ಲ ಎಂಬುದು ಕೂಡ ಅಷ್ಟೇ ಸತ್ಯ. ಇನ್ನೊಂದು ವಿಷ್ಯ, ಧೋನಿ ನಾಯಕತ್ವವನ್ನು ತ್ಯಜಿಸಿ ವಿರಾಟ್ ಕೊಹ್ಲಿಗೆ ಪಟ್ಟ ಕಟ್ಟಿದಾಗ ಧೋನಿಯೇ ಇಡೀ ಅಂಗಣವನ್ನು ಆವರಿಸಿಕೊಂಡಿದ್ದರು.