ಇಡೀ ಕ್ರಿಕೆಟ್ ಜಗತ್ತೆ ಕಾತರದಂದ ಕಾಯುತ್ತಿರುವ 16ನೇ ಆವೃತ್ತಿಯ ಐಪಿಎಲ್ ಟೂರ್ನಿ ಮಾ.31ರಿಂದ ಆರಂಭವಾಗಲಿದೆ. ಈ ಬಾರಿಯ ಆವೃತ್ತಿ ಹಲವಾರು ಹೊಸ ನಿಯಮಗಳೊಂದಿಗೆ ನಡೆಯಲಿದೆ.
ತಂಡಗಳಿಗೆ ಹೊಸ ಆಯ್ಕೆ ನಡೆಯಲಿದ್ದು ಮೈದಾನದಲ್ಲಿ ನಾಯಕ ಮಾಡುವ ರಣತಂತ್ರದ ಜತೆಗೆ ಮೈದಾನದ ಹೊರಗೂ ಕೋಚ್ಗಳ ಮೇಲೆ ಜವಾಬ್ದಾರಿ ಇರಲಿದೆ. ಈ ಬಾರಿ ಆವೃತ್ತಿಯಲ್ಲಿ ಅಳವಡಿಸಿರುವ ಹೊಸ ನಿಯಮದ ಕುರಿತು ವಿವರ ಇಲ್ಲಿದೆ.
ಪಂದ್ಯವೊಂದರ ಆಡುವ ಹನ್ನೊಂದರಲ್ಲಿರುವ ಒಬ್ಬ ಆಟಗಾರ ಬದಲು ಮತ್ತೊಬ್ಬ ಆಟಗಾರ ಪಂದ್ದ ನಡುವೆಯೆ ಕಣಕ್ಕಿಳಿಯಬಹುದು.ಟಾಸ್ ವೇಳೆ ಆಡುವ ಪ್ಲೇಯಿಂಗ್ ಇಲೆವೆನ್ ಪಟ್ಟಿಯೊಂದಿಗೆ ನಾಲ್ವರು ಬದಲಿ ಆಟಗಾರ ಹೆಸರನ್ನೂ ತಂಡಗಳು ನೀಡಬೇಕು. ಈ ನಾಲ್ವರ ಪೈಕಿ ಒಬ್ಬ ಆಟಗಾರ ಇನ್ನಿಂಗ್ಸ್ ನ 14ನೇ ಓವರ್ ನ ಮುಕ್ತಾಯದ ಮೊದಲು ಮತ್ತೊಬ್ಬ ಆಡುವ ಹನ್ನೊಂದರಲ್ಲಿರುವ ಒಬ್ಬ ಆಟಗರನ ಬದಲು ಮೈದಾನಕ್ಕಿಳಿಯಬಹುದು.
ಔಟಾಗಿರುವ ಬ್ಯಾಟರ್ ಬದಲು ಇಂಪ್ಯಾಕ್ಟ್ ಆಟಗಾರ ಕಣಕ್ಕಿಳಿಯಬಹುದು.ಆದರೆ ತಂಡ ಕೇವಲ 11 ಬ್ಯಾಟರ್ಗಳನಷ್ಟೆ ಬಳಸಬೇಕು. ಇನ್ನು ಕೆಲ ಓವರ್ಗಳನ್ನು ಬೌಲ್ ಮಾಡಿರುವ ಬೌಲರ್ನ ಬದಲಿಗೂ ಇಂಪ್ಯಾಕ್ಟ್ ಆಟಗಾರ ಕಣಕ್ಕಿಳಿದು
ಪೂರ್ತಿ 4 ಓವರ್ ಹಾಕಬಹುದು. ಇಂಪ್ಯಾಕ್ಟ್ ಪ್ಲೇಯರ್ ಒಂದು ಓವರ್ನ ಕೊನೆಯಲ್ಲಿ ಮಾತ್ರ ಕಣಕ್ಕಿಳಿಯಬಹುದು.ಆದರೆ ಸನ್ನಿವೇಶಗಳಲ್ಲಿ ವಿನಾಯಿತಿ ಇದೆ. ಬ್ಯಾಟರ್ ಔಟ್ ಆದಾಗ ಇಂಪ್ಯಾಕ್ಟ್ ಆಟಗಾರನನ್ನು ಕಣಕ್ಕಿಳಿಸಲು ಅವಕಾಶವಿದೆ. ಇನ್ನು ಆಟಗಾರ ಗಾಯಗೊಂಡು ಹೊರ ನಡೆದಾಗ ಆ ಸಂದರ್ಭದಲ್ಲಿ ಇಂಪ್ಯಾಕ್ಟ್ ಆಟಗಾರ ಕಣಕ್ಕಿಳಿಯಬಹುದಾಗಿದೆ. ಒಮ್ಮೆ ಇಂಪ್ಯಾಕ್ಟ್ ಆಟಗಾರನಿಗೆ ಜಾಗ ಬಿಟ್ಟುಕೊಟ್ಟು ಹೋದ
ಆಟಗಾರನಿಗೆ ಮತ್ತೆ ಮೈದಾನ ಪ್ರವೇಶಿಸುವಂತಿಲ್ಲ.
ಟಾಸ್ ಬಳಿಕ ಪ್ಲೇಯಿಂಗ್ ಇಲೆವೆನ್ ಬಳಗ ನಿರ್ಧಾರ
ಕ್ರಿಕೆಟ್ನಲ್ಲಿ ಟಾಸ್ ಗೂ ಮುನ್ನ ಪ್ಲೇಯಿಂಗ್ ಇಲೆವೆನ್ ಬಳಗವನ್ನು ಉಭಯ ತಂಡಗಳ ನಾಐಕರು ಹಂಚಿಕೊಳ್ಳುತ್ತಾರೆ. ಆದರೆ ಐಇಎಲ್ನ್ ನಲ್ಲಿ ನಾಯಕರು 2 ಪ್ರತ್ಯೇಕ ಪಟ್ಟಿಯೊಂದಿಗೆ ತೆರೆಳಲಿದ್ದು ಟಾಸ್ ಆದ ಬಳಿಕ ಒಂದು ಪಟ್ಟಿಯನ್ನು ಹಂಚಿಕೊಳ್ಳುತ್ತಾರೆ. ಈ ಬದಲಾವಣೆಯಿಂದ ತಂಡಗಳು ತಾವು ಮೊದಲು ಬ್ಯಾಟ್ ಮಾಡಲಿದೆಯೋ ಅಥವಾ ಬೌಲ್ ಮಾಡಲಿದೆಯೋ ಎನ್ನುವುದನ್ನು ನೋಡಿಕೊಂಡು ಆಡುವ ಹನ್ನೊಂದರ ಬಳಗವನ್ನು ನಿರ್ಧಾರಿಸಬಹುದು.
ನೋಬಾಲ್ಗೂ,ವೈಡ್ ಗೂ ಡಿಆರ್ಎಸ್
ಈ ಬಾರಿಯ ಐಪಿಎಲ್ನನಲ್ಲಿ ಅಂಪೈಯರ್ಗಳ ವೈಡ್ ಹಾಗೂ ನೋಬಾಲ್ ತೀರ್ಪುಗಳನ್ನು ಪ್ರಶ್ನಿಸಲು ತಂಡಗಳಿಗೆ ಅವಕಾಶ ಇದೆ. ಪಂದ್ಯಗಳ ನಿರ್ಣಾಯಕ ಹಂತಗಳಲ್ಲಿ ಆಯ್ಕೆಯ ಬಳಕೆಯಲ್ಲಿ ಪರಿಣಾಮ ಬೀಳಲಿದೆ.