ಮೊದಲ ಟಿ20 ಪಂದ್ಯವನ್ನು ಗೆದ್ದ ಟೀಮ್ ಇಂಡಿಯಾ 2ನೇ ಟಿ20 ಪಂದ್ಯವನ್ನೂ ಗೆದ್ದು ಸರಣಿ ಗೆಲ್ಲುವ ಉತ್ಸಾಹದಲ್ಲಿದೆ. ಇನ್ನೊಂದೆಡೆ ಏಕದಿನ ಸರಣಿಯಲ್ಲಿ ವೈಟ್ವಾಷ್ ಅವಮಾನ ಎದುರಿಸಿದ್ದ ವೆಸ್ಟ್ಇಂಡೀಸ್ ಟಿ20 ಸರಣಿಯನ್ನಾದರೂ ಗೆಲ್ಲಬೇಕು ಅನ್ನುವ ಲೆಕ್ಕಾಚಾರದಲ್ಲಿದೆ. ಎರಡನೇ ಪಂದ್ಯವನ್ನು ಗೆದ್ದು ಸರಣಿ ಸಮಬಲ ಸಾಧಿಸುವ ಲೆಕ್ಕಾಚಾರ ಕೆರಿಬಿಯನ್ನರದ್ದು.
ಟೀಮ್ ಇಂಡಿಯಾದಲ್ಲಿ ಹೆಚ್ಚು ಬದಲಾವಣೆ ಕಷ್ಟ. ರೋಹಿತ್, ಕಿಶನ್, ವಿರಾಟ್ ಟಾಪ್ ಆರ್ಡರ್ ಟ್ರಂಪ್ ಕಾರ್ಡ್ಗಳು. ರಿಷಬ್ಗೆ ವಿಶ್ರಾಂತಿ ನೀಡುವ ಸಾಧ್ಯತೆ ಇರುವುದರಿಂದ ಶ್ರೇಯಸ್ ಅಯ್ಯರ್ ತಂಡ ಸೇರಿಕೊಳ್ಳಬಹುದು. ಸೂರ್ಯ ಕುಮಾರ್ ಸ್ಥಾನ ಗ್ಯಾರೆಂಟಿ. ಬ್ಯಾಟಿಂಗ್ ಆಲ್ರೌಂಡರ್ ಕೋಟಾದಲ್ಲಿ ವೆಂಕಟೇಶ್ ಅಯ್ಯರ್ ಆಡುತ್ತಾರೆ.
ಬೌಲಿಂಗ್ ಆಲ್ರೌಂಡರ್ ಕೋಟಾದಲ್ಲಿ ಸ್ಥಾನ ಪಡೆದಿದ್ದ ದೀಪಕ್ ಚಹರ್ ಗಾಯಗೊಂಡಿದ್ದಾರೆ. ಹೀಗಾಗಿ ಶಾರ್ದೂಲ್ ಥಾಕೂರ್ ಎಂಟ್ರಿ ಆಗಬಹುದು. ಹರ್ಷಲ್ ಪಟೇಲ್ ಡೆತ್ ಬೌಲಿಂಗ್ ಸ್ಪೆಷಲಿಸ್ಟ್. ಭುವನೇಶ್ವರ್ ಕುಮಾರ್ ಮತ್ತು ಸಿರಾಜ್ ನಡುವೆ ಸ್ಥಾನಕ್ಕಾಗಿ ಫೈಟ್ ನಡೆಯುತ್ತಿದೆ. ರವಿ ಬಿಷ್ಣೋಯಿ ಮತ್ತು ಯಜುವೇಂದ್ರ ಚಹಲ್ ಸ್ಪಿನ್ ವಿಭಾಗದ ಅಸ್ತ್ರಗಳು.
ವೆಸ್ಟ್ಇಂಡೀಸ್ ತಂಡವೂ ಸೂಪರ್ ಆಗಿದೆ. ಕೈಲ್ ಮೇಯರ್ಸ್ ಕ್ರಿಸ್ ಗೇಲ್ ಆಟವನ್ನು ನೆನಪಿಸುತ್ತಿದ್ದಾರೆ. ಬ್ರೆಂಡನ್ ಕಿಂಗ್ ಮತ್ತು ರೋಸ್ಟನ್ ಚೇಸ್ ಈ ಪಂದ್ಯದಲ್ಲಿ ಮಿಂಚಲೇಬೇಕು. ನಿಕೊಲಸ್ ಪೂರನ್, ಕೈರಾನ್ ಪೊಲ್ಲಾರ್ಡ್, ರೊಮ್ವಾನ್ ಪೊವಲ್, ರೊಮೊರಿಯೋ ಶೆಪರ್ಡ್ ಹೀಗೆ ವಿಂಡೀಸ್ ತಂಡದಲ್ಲಿ ಸಿಕ್ಸ್ ಹಿಟ್ಟರ್ಗಳ ದಂಡೇ ಇದೆ.
ಫೆಬಿಯನ್ ಅಲೆನ್ ಬದಲು ಹೈಡನ್ ವಾಲ್ಶ್ ತಂಡ ಸೇರಿಕೊಳ್ಳಬಹುದು. ಅಕಿಲ್ ಹುಸೈನ್, ಶೆಲ್ಡನ್ ಕಾಟ್ರೆಲ್ ಮಾತ್ರ ಸ್ಪೆಷಲಿಸ್ಟ್ ಬೌಲರ್ಗಳು.
ಕೊಲ್ಕತ್ತಾದ ಈಡನ್ ಗಾರ್ಡನ್ ಪಿಚ್ ಬ್ಯಾಟಿಂಗ್ ಸ್ನೇಹಿ. ಮಂಜು ಫಲಿತಾಂಶದ ಮೇಲೆ ಪರಿಣಾಮ ಬೀರುವುದರಿಂದ ಟಾಸ್ ಮೇಲೆ ಎರಡೂ ತಂಡಗಳು ಗಮನ ಇಟ್ಟಿವೆ. ಮೂರನೇ ಹಾಗೂ ಅಂತಿಮ ಪಂದ್ಯದ ರೋಚಕತೆ ಈ ಪಂದ್ಯದ ಫಲಿತಾಂಶದಲ್ಲೇ ನಿರ್ಧಾರವಾಗಲಿದೆ.