ರೋಹಿತ್‌ ಶರ್ಮ ಸಾರಥ್ಯದ ಟೀಂ ಇಂಡಿಯಾ(Team India) ODI ಹಾಗೂ ಟೆಸ್ಟ್‌ ಸರಣಿ ಹಿನ್ನೆಲೆಯಲ್ಲಿ ಡಿಸೆಂಬರ್‌(December) ಮೊದಲ ವಾರದಲ್ಲಿ ಬಾಂಗ್ಲಾದೇಶ ಪ್ರವಾಸ ಕೈಗೊಳ್ಳಲಿದ್ದು, ಮೂರು ಪಂದ್ಯಗಳ ODI ಸರಣಿ ಹಾಗೂ 2 ಪಂದ್ಯಗಳ ಟೆಸ್ಟ್‌ ಸರಣಿಗೆ ಭಾರತ ತಂಡವನ್ನ ಪ್ರಕಟಿಸಲಾಗಿದೆ.
ನವೆಂಬರ್‌ ಅಂತ್ಯದಲ್ಲಿ ನಡೆಯುವ ನ್ಯೂಜಿ಼ಲೆಂಡ್‌ ಪ್ರವಾಸದಿಂದ ವಿಶ್ರಾಂತಿ ಪಡೆದಿದ್ದ ಪ್ರಮುಖ ಆಟಗಾರರು ಬಾಂಗ್ಲಾದೇಶ ಪ್ರವಾಸಕ್ಕೆ ಕಮ್‌ಬ್ಯಾಕ್‌ ಮಾಡಿದ್ದಾರೆ. ಉಭಯ ತಂಡಗಳ ನಡುವಿನ ಏಕದಿನ ಸರಣಿಯ ಮೊದಲ ಪಂದ್ಯ ಡಿಸೆಂಬರ್‌ 4ರಿಂದ 10ರವರೆಗೆ ನಡೆಯಲಿದೆ. ODI ಸರಣಿ ನಂತರ ಬಾಂಗ್ಲಾ ಹಾಗೂ ಭಾರತದ ನಡುವೆ ಡಿಸೆಂಬರ್‌ 14 ಮತ್ತು 22ರಿಂದ ಎರಡು ಟೆಸ್ಟ್‌ ಪಂದ್ಯಗಳು ನಡೆಯಲಿದೆ.
ಆದರೆ ಬಾಂಗ್ಲಾದೇಶ ನಡುವಿನ ಎರಡು ಪಂದ್ಯಗಳ ಟೆಸ್ಟ್‌ ಸರಣಿಗೆ ಟೀಂ ಇಂಡಿಯಾ ಅನುಭವಿ ಟೆಸ್ಟ್‌ ಆಟಗಾರರಾದ ಅಜಿಂಕ್ಯಾ ರಹಾನೆ ಹಾಗೂ ಹನುಮ ವಿಹಾರಿ ಅವರನ್ನ ತಂಡದಿಂದ ಕೈಬಿಡಲಾಗಿದೆ. ಮತ್ತೊಂದೆಡೆ ಗಾಯದ ಸಮಸ್ಯೆಯಿಂದಾಗಿ ಟಿ20 ವಿಶ್ವಕಪ್‌ ಸೇರಿದಂತೆ ಮಹತ್ವದ ಪಂದ್ಯಾವಳಿಯಿಂದ ಹೊರಗುಳಿದಿದ್ದ ರವೀಂದ್ರ ಜಡೇಜಾ ಅವರನ್ನ ತಂಡಕ್ಕೆ ಆಯ್ಕೆ ಮಾಡಲಾಗಿದ್ದು, ಸ್ಟಾರ್ ಆಲ್ರೌಂಡರ್‌ ಗಾಯದ ಸಮಸ್ಯೆಯಿಂದ ಸಂಪೂರ್ಣ ಗುಣಮುಖರಾದಲ್ಲಿ ಮಾತ್ರ ಸರಣಿಗೆ ಜಡೇಜಾ ಅವರನ್ನ ಆಯ್ಕೆ ಮಾಡಲಾಗುತ್ತದೆ.
ಭಾರತ ODI ತಂಡ: ರೋಹಿತ್‌ ಶರ್ಮ(ನಾಯಕ), ಕೆಎಲ್ ರಾಹುಲ್‌, ವಿರಾಟ್‌ ಕೊಹ್ಲಿ, ಶಿಖರ್‌ ಧವನ್‌, ರಜತ್‌ ಪಟಿದಾರ್‌, ಶ್ರೇಯಸ್‌ ಅಯ್ಯರ್‌, ರಾಹುಲ್‌ ತ್ರಿಪಾಠಿ, ರಿಷಬ್‌ ಪಂತ್‌, ಇಶಾನ್‌ ಕಿಶನ್‌, ರವೀಂದ್ರ ಜಡೇಜಾ, ಅಕ್ಸರ್‌ ಪಟೇಲ್, ವಾಷಿಂಗ್ಟನ್‌ ಸುಂದರ್‌, ಶಾರ್ದೂಲ್‌ ಥಾಕೂರ್‌, ಮೊಹಮ್ಮದ್‌ ಶಮಿ, ಮೊಹಮ್ಮದ್‌ ಸಿರಾಜ್‌, ದೀಪಕ್‌ ಚಹರ್‌, ಯಶ್‌ ದ್ಯಾಲ್‌.
ಭಾರತ ಟೆಸ್ಟ್‌ ತಂಡ: ರೋಹಿತ್‌ ಶರ್ಮ(ನಾಯಕ), ಕೆಎಲ್ ರಾಹುಲ್‌, ಶುಭ್ಮನ್‌ ಗಿಲ್‌, ಚೇತೇತ್ವರ್‌ ಪುಜಾರ, ವಿರಾಟ್‌ ಕೊಹ್ಲಿ, ಶ್ರೇಯಸ್‌ ಅಯ್ಯರ್‌, ರಿಷಬ್‌ ಪಂತ್‌, ಕೆಎಸ್ ಭರತ್‌, ರವೀಂದ್ರ ಜಡೇಜಾ, ರವಿಚಂದ್ರನ್‌ ಅಶ್ವಿನ್‌, ಅಕ್ಸರ್‌ ಪಟೇಲ್, ಕುಲ್‌ದೀಪ್‌ ಯಾದವ್, ಶಾರ್ದೂಲ್‌ ಥಾಕೂರ್‌, ಮೊಹಮ್ಮದ್‌ ಶಮಿ, ಮೊಹಮ್ಮದ್‌ ಸಿರಾಜ್‌, ಉಮೇಶ್‌ ಯಾದವ್.
ಭಾರತ v ಬಾಂಗ್ಲಾದೇಶ ODI ವೇಳಾಪಟ್ಟಿ:
1ನೇ ODI – ಡಿಸೆಂಬರ್‌ 4 – ಮಿರ್‌ಪುರ್‌
2ನೇ ODI – ಡಿಸೆಂಬರ್‌ 7 – ಮಿರ್‌ಪುರ್‌
3ನೇ ODI – ಡಿಸೆಂಬರ್‌ 10 – ಮಿರ್‌ಪುರ್‌
ಭಾರತ v ಬಾಂಗ್ಲಾದೇಶ ಟೆಸ್ಟ್‌ ವೇಳಾಪಟ್ಟಿ:
1ನೇ ಟೆಸ್ಟ್‌ – ಡಿ.14-18 – ಚಟ್ಟೋಗ್ರಾಮ್
2ನೇ ಟೆಸ್ಟ್‌ – ಡಿ.22-26 – ಮಿರ್‌ಪುರ್‌
