ಬಹುನಿರೀಕ್ಷಿತಾ ಕಾಲ್ಚೆಂಡು ಹಬ್ಬ ಫಿಫಾ ಫುಟ್ಬಾಲ್ ವಿಶ್ವಕಪ್ ಇಂದಿನಿಂದ ಕತಾರ್‍ನಲ್ಲಿ ಅದ್ದೂರಿಯಾಗಿ ಆರಂಭವಾಗಲಿದೆ. ಉದ್ಘಾಟನಾ ಪಂದ್ಯದಲ್ಲಿ ಇಂದು ಆತಿಥೇಯ ಕತಾರ್ ಫುಟ್ಬಾಲ್ ಎದುರಾಳಿ ಇಕ್ವೆಡರ್ ತಂಡವನ್ನು ಎದುರಿಸಲಿದೆ.
ಭಾನುವಾರ (ಭಾರತೀಯ ಕಾಲಮಾನ) ರಾತ್ರಿ 7.30ಕ್ಕೆ ಆರಂಭವಾಗಲಿದೆ.ಅಲ್ ಖೋರ್‍ನ ಅಲ್ ಬೇತ್ ಮೈದಾನದಲ್ಲಿ ಸಾಂಸ್ಕೃತಿಕ ಕಾರ್ಯಕ್ರಮಗಳ ಮೂಲಕ ಆರಂಭವಾಗಲಿದೆ. ಏಳು ಜನರನ್ನೊಳಗೊಂಡ ಬಾಯ್ ಬ್ಯಾಂಡ್, ಕಲಾವಿದರಾದ 2010 ವಿಶ್ವಕಪ್ ಗೀತೆ ಆಡಿದ್ದ ಶಕೀರಾ, ರಾಬಿ ವಿಲಿಯಮ್ಸ್ ಮತ್ತು ನೊರಾ ಮನರಂಜಿಸಲಿದ್ದಾರೆ. ಅಲ್ ಬೇತ್ ಮೈದಾನದಲ್ಲಿ 60 ಸಾವಿರ ಮಂದಿ ವೀಕ್ಷಿಸಬಹುದಾಗಿದೆ.
ಉದ್ಘಾಟನೆ ನಂತರ ಮೊದಲ ಪಂದ್ಯದಲ್ಲಿ ಆತಿಥೇಯ ಕತಾರ್ ಇಕ್ವಡರ್ ತಂಡವನ್ನು ಎದುರಿಸಲಿದೆ. ಕತಾರ್ ಫುಟ್ಬಾಲ್ ತಂಡ ಈ ಹಿಂದೆ ವಿಶ್ವಕಪ್‍ನಲ್ಲಿ ಆಡಿಲ್ಲ.ಆತಿಥ್ಯ ವಹಿಸಿದೆ ಎನ್ನುವ ಕಾರಣಕ್ಕೆ ಈ ಬಾರಿ ಟೂರ್ನಿಯಲ್ಲಿ ಆಡುತ್ತಿದೆ. ಎ ಗುಂಪಿನಲ್ಲಿ ಸ್ಥಾನ ಪಡೆದಿರುವ ಕತಾರ್ ಇಂದಿನ ಪಂದ್ಯದಲ್ಲಿ ಕಠಿಣ ಸವಾಲು ಎದುರಿಸಲಿದೆ.
ಎ ಗುಂಪಿನಲ್ಲಿ ಸೆನೆಗಲ್ ಮತ್ತು ನೆದರ್‍ಲೆಂಡ್ ತಂಡಗಳು ಸ್ಥಾನ ಪಡೆದಿವೆ. ಕತಾರ್ ತಂಡ ಇಕ್ವಢರ್ ವಿರುದ್ಧ ಗೆಲ್ಲಲು ಪ್ರಯತ್ನಿಸಿಲಿದೆ. ಫಿಫಾ ರಾಂಕಿಂಗ್‍ನಲ್ಲಿ ಇಕ್ವಡರ್ 44ನೇ ಸ್ಥಾನ ಪಡೆದಿದೆ.
ಕತಾರ್ ತಂಡ ಹಲವಾರು ವರ್ಷಗಳಿಂದ ಫುಟ್ಬಾಲ್ ಕ್ರೀಡೆಯನ್ನು ಆಡಿಕೊಂಡು ಬಂದಿದ್ದು ಬಲಿಷ್ಠ ತಂಡವಾಗಿ ಗುರುತಿಸಿಕೊಳ್ಳಲು ಹೋರಾಡುತ್ತಿದೆ.
ಇಕ್ವಡರ್ ತಂಡ ವಿವಾದಗಳಿಂದಲ್ಲೇ ಈ ಬಾರಿಯ ವಿಶ್ವಕಪ್ ಪ್ರವೇಶಿಸಿದೆ.ಅರ್ಹತಾ ಸುತ್ತಿನಲ್ಲಿ ಅರ್ಹರಲ್ಲದ ಆಟಗಾರರು ಆಡಿಸಿ ಸಿಕ್ಕಿಬಿದ್ದಿತ್ತು. ವಿಶ್ವಕಪ್‍ಗೆ ಅರ್ಹತೆ ಪಡೆದರೂ 3 ಅಂಕಗಳನ್ನು ರದ್ದುಗೊಳಿಸಲಾಗಿದೆ. ತಂಡದ ಆಟಗಾರ ಕಾಸ್ಟಲಿಯೊ ಜನ್ಮ ದಿನಾಂಕದಲ್ಲಿ ತಪ್ಪು ಮಾಹಿತಿಗಳಿದ್ದವು. ಕಾಸ್ಟಲಿಯೊ ಹೊರತುಪಡಿಸಿ 26 ಆಟಗಾರರನ್ನೊಳಗೊಂಡ ತಂಡ ಕತಾರ್‍ಗೆ ಆಗಮಿಸಿದೆ.
