ಐಸಿಸಿ ಮಹಿಳಾ ವಿಶ್ವಕಪ್ನ ಆರಂಭದಲ್ಲಿ ಸತತ 3 ಪಂದ್ಯಗಳನ್ನು ಸೋತು ಕಂಗಾಲಾಗಿದ್ದ ಇಂಗ್ಲೆಂಡ್ ಬಳಿಕ ಚೇತರಿಸಿಕೊಂಡು ಸೆಮಿಫೈನಲ್ ಸೇರಿದೆ. ಸತತ 4 ಪಂದ್ಯಗಳಲ್ಲಿ ಜಯ ಸಾಧಿಸಿದ ಇಂಗ್ಲೆಂಡ್ ಸೆಮಿಫೈನಲ್ನಲ್ಲಿ ಜಾಗ ಗಟ್ಟಿಮಾಡಿಕೊಂಡಿದೆ. ಅಂತಿಮ ಲೀಗ್ ಪಂದ್ಯದಲ್ಲಿ ಇಂಗ್ಲೆಂಡ್ ಬಾಂಗ್ಲಾದೇಶ ವಿರುದ್ಧ 100 ರನ್ಗಳ ಭರ್ಜರಿ ಜಯ ದಾಖಲಿಸಿತು.
ಮೊದಲು ಬ್ಯಾಟಿಂಗ್ ಮಾಡಿದ ಇಂಗ್ಲೆಂಡ್ 50 ಓವರುಗಳಲ್ಲಿ 6 ವಿಕೆಟ್ ಕಳೆದುಕೊಂಡು 234 ರನ್ಗಳಿಸಿತು. ಇಂಗ್ಲೆಂಡ್ ಇನ್ನಿಂಗ್ಸ್ನಲ್ಲಿ ಸೋಫಿಯಾ ಡಂಕ್ಲಿ 67 ರನ್ಗಳಿಸಿ ಮಿಂಚಿದರು. ಟಾಮಿ ಬಿಮೌಂಟ್ (33), ನ್ಯಾಟ್ ಸಿವೀರ್ (40) ಮತ್ತು ಏಮಿ ಜೋನ್ಸ್ (31) ರನ್ಗಳಿಸಿ ಉತ್ತಮ ಸಾಥ್ ನೀಡಿದರು.
ಚೇಸಿಂಗ್ನಲ್ಲಿ ಬಾಂಗ್ಲಾ ಪ್ರತಿರೋಧವನ್ನೇ ತೋರಲಿಲ್ಲ. 48 ಓವರುಗಳಲ್ಲಿ ಕೇವಲ 134 ರನ್ಗಳಿಗೆ ಆಲೌಟ್ ಆಗಿ 100 ರನ್ಗಳಿಂದ ಪಂದ್ಯ ಸೋತಿತು. ಲತಾ ಮೊಂಡಲ್ (30), ಶಮೈಮ ಅಖ್ತರರ (23), ಶರ್ಮೈನ್ (23) ಮತ್ತು ನಿಗಾರ್ ಸುಲ್ತಾನ (22) ರನ್ಗಳಿಸಿದ್ದರು. ಇಂಗ್ಲೆಂಡ್ ಪರ ಚಾರ್ಲಿ ಡೀನ್ ಮತ್ತು ಸೋಫಿಯಾ ಎಕ್ಲಸ್ಟೋನ್ ತಲಾ 3 ವಿಕೆಟ್ ಪಡೆದರು. ಈ ಗೆಲುವಿನ ಮೂಲಕ ಇಂಗ್ಲೆಂಡ್ 8 ಅಂಕಗಳೊಂದಿಗೆ ಸೆಮಿಫೈನಲ್ ಪ್ರವೇಶಿಸಿತು. ಬಾಂಗ್ಲಾದೇಶ 7ನೇ ಸ್ಥಾನ ಪಡೆದು ಟೂರ್ನಿಗೆ ಗುಡ್ ಬೈ ಹೇಳಿತು.