ಮಥೀಶಾ ಪತಿರನ ಮಾರಕ ದಾಳಿಯ ನೆರೆವಿನಿಂದ ಚೆನ್ನೈ ಸೂಪರ್ ಕಿಂಗ್ಸ್ ಐದು ಬಾರಿ ಚಾಂಪಿಯನ್ ಮುಂಬೈ ಇಂಡಿಯನ್ಸ್ ವಿರುದ್ಧ 6 ವಿಕೆಟ್ಗಳ ಭರ್ಜರಿ ಗೆಲುವು ದಾಖಲಿಸಿದೆ. ಇದರೊಂದಿಗೆ ಚೆನ್ನೈ ಅಂಕಪಟ್ಟಿಯಲ್ಲಿ ಎರಡನೆ ಸ್ಥಾನಕ್ಕೇರಿದೆ.
ಈ ಪಂದ್ಯವನ್ನು ಗೆಲ್ಲುವ ಮೂಲಕ ಧೋನಿ ಪಡೆ ತವರಿನಲ್ಲಿ ಮುಂಬೈ ವಿರುದ್ಧ ಇದ್ದ 13 ವರ್ಷದ ದುರಾದೃಷ್ಟಕ್ಕೆ ಅಂತ್ಯ ಹಾಡಿದೆ.
ಚೆಪಾಕ್ ಮೈದಾನದಲ್ಲಿ ನಡೆದ ಪಂದ್ಯದಲ್ಲಿ ಮೊದಲು ಬ್ಯಾಟಿಂಗ್ ಮಾಡಿದ ಮುಂಬೈ ಇಂಡಿಯನ್ಸ್ 20 ಓವರ್ಗಳಲ್ಲಿ 8 ವಿಕೆಟ್ ನಷ್ಟಕ್ಕೆ 139 ರನ್ ಕಲೆ ಹಾಕಿತು. ಚೆನ್ನೈ ಸೂಪರ್ ಕಿಂಗ್ಸ್ 17.4 ಓವರ್ಗಳಲ್ಲಿ 4 ವಿಕೆಟ್ ನಷ್ಟಕ್ಕೆ 140 ರನ್ ಗಳಿಸಿತು.
ಮುಂಬೈ ಪರ ಆರಂಭಿಕರಾಗಿ ಇಶಾನ್ ಕೀಶನ್ ಜತೆ ಕಣಕ್ಕಿಳಿದ ಕ್ಯಾಮರೊನ್ ಗ್ರೀನ್ ಉತ್ತಮ ಆರಂಭಕೊಡುವಲ್ಲಿ ಎಡವಿದರು. ಗ್ರೀನ್ (6 ರನ್) ವೇಗಿ ತುಷಾರ್ ದೇಶಪಾಂಡೆ ಎಸೆತದಲ್ಲಿ ಬೌಲ್ಡ್ ಆದರು.
ನಂತರ ದಾಳಿಗಿಳಿದ ವೇಗಿ ದೀಪಕ್ ಚಾಹರ್, ಇಶಾನ್ ಕಿಶನ್ (7ರನ್) ಹಾಗೂ ನಾಯಕ ರೋಹಿತ್ ಶರ್ಮಾ (0ರನ್) ಅವರುಗಳನ್ನು ಬಲಿತೆಗೆದುಕೊಂಡರು.
ನಾಲ್ಕನೆ ವಿಕೆಟ್ಗೆ ಜತೆಗೂಡಿದ ಸೂರ್ಯ ಕುಮಾರ್ ಹಾಗು ನೆಹಲ್ ವಾದೆರಾ 55 ರನ್ ಸೇರಿಸಿ ತಂಡದ ಕುಸಿತ ತಡೆದರು.
46 ಎಸೆತದಲ್ಲಿ ಅರ್ಧ ಶತಕ ಸಿಡಿಸಿ ನೆಹಾಲ್ ವಾದೆರಾ ಐಪಿಎಲ್ನಲ್ಲಿ ಚೊಚ್ಚಲ ಅರ್ಧ ಶತಕ ಸಿಡಿಸಿದರು. 26 ರನ್ ಗಳಿಸಿದ ಸೂರ್ಯ ಕುಮಾರ್ ಜಡೇಜಾ ಎಸೆತದಲ್ಲಿ ಬೌಲ್ಡ್ ಆದರು. ನಂತರ ನೆಹಾಲ್ ವಾದೆರಾ (51 ಎಸೆತ, 8 ಬೌಂಡರಿ 1ಸಿಕ್ಸರ್, 64 ರನ್) ಪತಿರನ ಎಸೆತದಲ್ಲಿ ಬೌಲ್ಡ್ ಆದರು.
ನಂತರ ಬಂದ ಟ್ರಸ್ಟನ್ ಸ್ಟಬ್ಸ್ 20 ರನ್ ಹೊಡೆದಿದ್ದು ಬಿಟ್ಟರೆ ಬಳಿಕ ಬಂದ ಟಿಮ್ ಡೇವಿಡ್ 2, ಆರ್ಷಾದ್ ಖಾನ್ 1,ಜೋಫ್ರಾ ಆರ್ಚರ್ ಅಜೇಯ 3, ಪಿಯೂಷ್ ಚಾವ್ಲಾ ಅಜೇಯ 2 ರನ್ ಗಳಿಸಿದರು.
7 ರನ್ಗಳ ಅಂತರದಲ್ಲಿ ಚೆನ್ನೈ 3 ವಿಕೆಟ್ ಕಳೆದುಕೊಂಡಿತು. ಪತಿರನ ತಮ್ಮ ನಾಲ್ಕು ಓವರ್ಗಳಲ್ಲಿ ಒಂದೇ ಒಂದು ಬೌಂಡರಿ ನೀಡಲಿಲ್ಲ ಪತಿರನ 15ಕ್ಕೆ 3, ದೀಪಕ್ ಚಾಹರ್ 18ಕ್ಕೆ 2, ತುಷಾರ್ ದೇಶಪಾಂಡೆ 24ಕ್ಕೆ2, ರವೀಂದ್ರ ಜಡೇಜಾ 37ಕ್ಕೆ 1 ವಿಕೆಟ್ ಪಡೆದರು.
140 ರನ್ ಗುರಿ ಬೆನ್ನತ್ತಿದ ಚೆನ್ನೈ ಸೂಪರ್ ಕಿಂಗ್ಸ್ ಋತುರಾಜ್ ಗಾಯಕ್ವಾಡ್ (30ರನ್) ಹಾಗೂ ಡೆವೊನ್ ಕಾನ್ವೆ (44ರನ್) ಮೊದಲ ವಿಕೆಟ್ಗೆ 46 ರನ್ ಸೇರಿಸಿದರು. ಋತುರಾಜ್ ಹಾಗೂ ಅಜಿಂಕ್ಯ ರಹಾನೆ (21ರನ್) ಪಿಯೂಷ್ ಚಾವ್ಲಾಗೆ ವಿಕೆಟ್ ಒಪ್ಪಿಸಿದರು. ಅಂಬಾಟಿ ರಾಯ್ಡು ಬ್ಯಾಟಿಂಗ್ ವೈಫಲ್ಯ ಮುಂದುವರೆಸಿ ಸ್ಟಬ್ಸ್ಗೆ ಬಲಿಯಾದರು. 44 ರನ್ ಗಳಿಸಿ ಮುನ್ನಗುತ್ತಿದ್ದ ಡೆವೊನ್ ಕಾನ್ವೆ ಮಾಧವಳ್ ಎಸೆತದಲ್ಲಿ ಎಲ್ಬಿ ಬಲೆಗೆ ಬಿದ್ದರು.
ಪಿಯೂಷ್ ಚಾವ್ಲಾ 25ಕ್ಕೆ2, ಟ್ರಸ್ಟನ್ ಸ್ಟಬ್ಸ್ 14ಕ್ಕೆ 1 ವಿಕೆಟ್ ಪಡೆದರು.