CSA T20 League- Dhoni – ಸಿಎಸ್ ಕೆ ಮೆಂಟರ್ ಆಗಬಹುದು.. ಆದ್ರೆ ಧೋನಿ ಐಪಿಎಲ್ ಆಡುವಂಗಿಲ್ಲ..!
![CSA T20 League- Dhoni - ಸಿಎಸ್ ಕೆ ಮೆಂಟರ್ ಆಗಬಹುದು.. ಆದ್ರೆ ಧೋನಿ ಐಪಿಎಲ್ ಆಡುವಂಗಿಲ್ಲ..! 3 ms dhoni sports karnataka csk team india](http://sportskarnataka.com/wp-content/uploads/2022/07/dhoni-4-300x297.jpg)
ವಿದೇಶಿ ಟಿ-20 ಲೀಗ್ ಕ್ರಿಕೆಟ್ ಟೂರ್ನಿಯಲ್ಲಿ ಭಾರತೀಯ ಆಟಗಾರರು ಆಡುವಂತಿಲ್ಲ ಎಂಬುದನ್ನು ಬಿಸಿಸಿಐ ಮತ್ತೊಮ್ಮೆ ಸ್ಪಷ್ಟಪಡಿಸಿದೆ.
ಯಾರು ಏನೇ ಪ್ರಶ್ನೆ ಮಾಡಲಿ. ತನ್ನ ನಿಲುವು ಮತ್ತು ಧೋರಣೆಯಲ್ಲಿ ಯಾವುದೇ ವ್ಯತ್ಯಾಸವಿಲ್ಲ. ಐಪಿಎಲ್ ಬ್ರ್ಯಾಂಡ್ ಉಳಿಸಿಕೊಳ್ಳುವ ನಿಟ್ಟಿನಲ್ಲಿ ಬಿಸಿಸಿಐ ಯಾವುದರಲ್ಲೂ ರಾಜೀ ಮಾಡಿಕೊಳ್ಳುತ್ತಿಲ್ಲ.
ಹೀಗಾಗಿ ಪರೋಕ್ಷವಾಗಿ ಬಿಸಿಸಿಐ ಟೀಮ್ ಇಂಡಿಯಾದ ಮಾಜಿ ನಾಯಕ ಮಹೇಂದ್ರ ಸಿಂಗ್ ಧೋನಿ ಅವರಿಗೂ ಬಿಸಿ ಮುಟ್ಟಿಸಿದೆ.
ಆಸ್ಟ್ರೇಲಿಯಾದ ಗಿಲ್ ಕ್ರಿಸ್ಟ್ ಸೇರಿದಂತೆ ಕೆಲವು ಕ್ರಿಕೆಟಿಗರು ಭಾರತೀಯ ಆಟಗಾರರಿಗೂ ಬಿಸಿಸಿಐ, ವಿದೇಶಿ ಲೀಗ್ ಗಳಲ್ಲಿ ಆಡುವ ಅವಕಾಶ ನೀಡಬೇಕು ಎಂದು ಹೇಳಿದ್ದರು. ಆದ್ರೆ ಬಿಸಿಸಿಐ ಇದಕ್ಕೆ ಸ್ಪಷ್ಟನೆ ಕೊಟ್ಟಿದೆ. ಅದು ಸಾಧ್ಯನೇ ಇಲ್ಲ ಎಂದು ಕೂಡ ಹೇಳಿದೆ.
ಮುಂದಿನ ಜನವರಿಯಲ್ಲಿ ದಕ್ಷಿಣ ಆಫ್ರಿಕಾದಲ್ಲಿ ಸೌತ್ ಆಫ್ರಿಕಾ ಕ್ರಿಕೆಟ್ ಲೀಗ್ ಆರಂಭವಾಗಲಿದೆ. ಈ ಲೀಗ್ ಆರು ಫ್ರಾಂಚೈಸಿಗಳನ್ನು ಕೂಡ ಐಪಿಎಲ್ ಫ್ರಾಂಚೈಸಿಗಳು ಖರೀದಿ ಮಾಡಿವೆ. ಇದರಲ್ಲಿ ಸಿಎಸ್ ಕೆ ಫ್ರಾಂಚೈಸಿ ಕೂಡ ಒಂದಾಗಿದೆ.
ಹೀಗಾಗಿ ಸೌತ್ ಆಫ್ರಿಕಾ ಲೀಗ್ ಕ್ರಿಕೆಟ್ ನಲ್ಲಿ ಮಹೇಂದ್ರ ಸಿಂಗ್ ಧೋನಿ ಮೆಂಟರ್ ಆಗ್ತಾರೆ ಎಂದು ಹೇಳಲಾಗುತ್ತಿತ್ತು. ಆದ್ರೆ ಬಿಸಿಸಿಐ ಇದಕ್ಕೆ ವಿರೋಧ ವ್ಯಕ್ತಪಡಿಸಿದೆ.
ಒಂದು ವೇಳೆ ಧೋನಿ ಮೆಂಟರ್ ಅಥವಾ ಲೀಗ್ ನಲ್ಲಿ ಆಡಿದ್ರೆ ಐಪಿಎಲ್ ನಿಂದಲೂ ನಿವೃತ್ತಿಯಾಗಬೇಕು. ಅಲ್ಲಿ ಮೆಂಟರ್ ಆಗಿದ್ದುಕೊಂಡು ಇಲ್ಲಿ ಐಪಿಎಲ್ ಟೂರ್ನಿಯಲ್ಲಿ ಆಡುವಂತಿಲ್ಲ ಎಂದು ಬಿಸಿಸಿಐ ಹೇಳಿದೆ.
![CSA T20 League- Dhoni - ಸಿಎಸ್ ಕೆ ಮೆಂಟರ್ ಆಗಬಹುದು.. ಆದ್ರೆ ಧೋನಿ ಐಪಿಎಲ್ ಆಡುವಂಗಿಲ್ಲ..! 4 dhoni csk sports karnataka ipl 2022](http://sportskarnataka.com/wp-content/uploads/2022/05/dhoni2-300x190.jpg)
ಇದರಲ್ಲಿ ಯಾವುದೇ ಮುಲಾಜಿ ಕೂಡ ಇಲ್ಲ. ನಾವು ನಮ್ಮ ನಿಯಮದಲ್ಲಿ ಬದಲಾವಣೆ ಮಾಡಿಕೊಳ್ಳುವುದಿಲ್ಲ. ಭಾರತದ ಅಂದ್ರೆ ದೇಸಿ ಕ್ರಿಕೆಟಿಗರು ಸೇರಿ ಯಾರು ಕೂಡ ವಿದೇಶಿ ಕ್ರಿಕೆಟ್ ಲೀಗ್ ಗಳಲ್ಲಿ ಆಡುವಂತಿಲ್ಲ. ಒಂದು ವೇಳೆ ಆಡಿದ್ರೂ ಅವರ ಜೊತೆಗಿನ ಎಲ್ಲಾ ಒಪ್ಪಂದಗಳನ್ನು ರದ್ದುಗೊಳಿಸಲಾಗುವುದು ಎಂದು ಬಿಸಿಸಿಐ ಸ್ಪಷ್ಟಪಡಿಸಿದೆ.
ಇನ್ನು ಧೋನಿ ವಿಚಾರಕ್ಕೆ ಬರುವುದಾದ್ರೆ, ಹೌದು, ಧೋನಿ ಅಂತಾರಾಷ್ಟ್ರೀಯ ಕ್ರಿಕೆಟ್ ಗೆ ವಿದಾಯ ಹೇಳಿದ್ದಾರೆ. ಒಂದು ಸೌತ್ ಆಫ್ರಿಕಾ ಕ್ರಿಕೆಟ್ ಲೀಗ್ ನಲ್ಲಿ ಸಿಎಸ್ ಕೆ ತಂಡದ ಮೆಂಟರ್ ಆಗುವುದಕ್ಕಿಂತ ಮುನ್ನ ಅವರು ಐಪಿಎಲ್ ನಿಂದ ನಿವೃತ್ತಿ ಹೊಂದಬೇಕು. ಅಲ್ಲದೆ ಅವರು ಐಪಿಎಲ್ ನಲ್ಲಿ ಆಡುವಂತಿಲ್ಲ ಎಂದು ಬಿಸಿಸಿಐ ಹೇಳಿದೆ.
ಈ ಹಿಂದೆ ಅಂದ್ರೆ 2019ರ ಕೆರೆಬಿಯನ್ ಲೀಗ್ ನಲ್ಲಿ ದಿನೇಶ್ ಕಾರ್ತಿಕ್ ಅವರು ಡಗೌಟ್ ನಲ್ಲಿ ಕಾಣಿಸಿಕೊಂಡಿದ್ದರು. ಟ್ರಿನ್ಬಾಗೊ ನೈಟ್ ರೈಡರ್ಸ್ ತಂಡವನ್ನು ಕೆಕೆಆರ್ ತಂಡ ಖರೀದಿ ಮಾಡಿತ್ತು. ಆಗಿನ ಕೋಚ್ ಬ್ರೆಂಡನ್ ಮೆಕಲಮ್ ಮನವಿಯಂತೆ ದಿನೇಶ್ ಕಾರ್ತಿಕ್ ಡಗೌಟ್ ನಲ್ಲಿದ್ದರು. ಆದ್ರೆ ಬಿಸಿಸಿಐ ಇದನ್ನು ಗಂಭೀರವಾಗಿ ಪರಿಗಣಿಸಿತ್ತು. ಬಳಿಕ ದಿನೇಶ್ ಕಾರ್ತಿಕ್ ಸ್ಪಷ್ಟನೆ ಕೊಟ್ಟ ನಂತರ ಅವರಿಗೆ ಐಪಿಎಲ್ ನಲ್ಲಿ ಆಡಲು ಅನುಮತಿ ನೀಡಲಾಗಿತ್ತು.
![CSA T20 League- Dhoni - ಸಿಎಸ್ ಕೆ ಮೆಂಟರ್ ಆಗಬಹುದು.. ಆದ್ರೆ ಧೋನಿ ಐಪಿಎಲ್ ಆಡುವಂಗಿಲ್ಲ..! 5 CSK, IPL 2022, SPORTS KARNATAKA](http://sportskarnataka.com/wp-content/uploads/2022/05/CSK-IPL-2022-1-300x237.jpg)
ಒಟ್ಟಿನಲ್ಲಿ ಐಪಿಎಲ್ ಮತ್ತು ಭಾರತೀಯ ಕ್ರಿಕೆಟ್ ನ ಹಿತದೃಷ್ಟಿಯಿಂದ ಬಿಸಿಸಿಐ ದಿಟ್ಟ ಕ್ರಮಗಳನ್ನು ತೆಗೆದುಕೊಳ್ಳುತ್ತಿದೆ. ಒಂದು ವೇಳೆ ವಿದೇಶಿ ಟಿ-20 ಲೀಗ್ ಗಳಲ್ಲಿ ಭಾರತೀಯ ಆಟಗಾರರಿಗೆ ಅವಕಾಶ ನೀಡಿದ್ರೆ ಹೆಚ್ಚಿನ ಆಟಗಾರರು ವಿದೇಶಿ ಟಇ-20 ಲೀಗ್ ಗಳಲ್ಲಿ ಆಡ್ತಾರೆ. ಆಗ ಭಾರತೀಯ ಕ್ರಿಕೆಟ್ ಗೆ ದೊಡ್ಡ ಹೊಡೆತ ಬೀಳಲಿದೆ ಎಂಬುದು ಬಿಸಿಸಿಐಗೂ ಚೆನ್ನಾಗಿ ಗೊತ್ತಿದೆ. ಹೀಗಾಗಿಯೇ ವಿದೇಶಿ ಟಿ-20 ಲೀಗ್ ಗಳಲ್ಲಿ ಬಿಸಿಸಿಐ ಯಾರು ಏನೇ ಅಂದ್ರೂ ಕೂಡ ಕ್ಯಾರೇ ಮಾಡುತ್ತಿಲ್ಲ.