ಭಾರತ ತಂಡದ ಸ್ಟಾರ್ ಬ್ಯಾಟರ್ ಕೆಎಲ್ ರಾಹುಲ್ ಫಾರ್ಮ್ ವೈಫಲ್ಯ ಅನುಭವಿಸಿದ ಪ್ರತಿ ಸಂದರ್ಭದಲ್ಲೂ ಸಾಕಷ್ಟು ಟೀಕಿಸಿದ್ದ ಭಾರತದ ಮಾಜಿ ಕ್ರಿಕೆಟಿಗ ವೆಂಕಟೇಶ್ ಪ್ರಸಾದ್, ಇದೀಗ ಕೆಎಲ್ ರಾಹುಲ್ ಅವರ ಯಶಸ್ಸಿಗಾಗಿ ಪ್ರಾರ್ಥಿಸಿದ್ದಾರೆ.
ಗಾಯದ ಸಮಸ್ಯೆ ಕಾರಣದಿಂದ ತಂಡದಿಂದ ಹೊರಗುಳಿದಿದ್ದ ರಾಹುಲ್, ಆಗಸ್ಟ್ 30ರಿಂದ ಆರಂಭಗೊಳ್ಳಲಿರುವ ಏಷ್ಯಾಕಪ್ಗೆ ತಂಡದಲ್ಲಿ ಸ್ಥಾನ ಪಡೆಯುವ ಮೂಲಕ ಕಮ್ಬ್ಯಾಕ್ ಮಾಡಲು ಸಜ್ಜಾಗಿದ್ದಾರೆ. ಹೀಗಾಗಿ ಕನ್ನಡಿಗನ ಯಶಸ್ಸಿಗಾಗಿ ಇದೀಗ ಮಾಜಿ ಕ್ರಿಕೆಟಿಗ ವೆಂಕಟೇಶ್ ಪ್ರಸಾದ್ ಅವರೊಂದಿಗೆ ಅಸಂಖ್ಯಾತ ಕ್ರಿಕೆಟ್ ಅಭಿಮಾನಿಗಳು ಪ್ರಾರ್ಥಿಸಿದ್ದು, ಭಾರೀ ನಿರೀಕ್ಷೆಯನ್ನ ಸಹ ಹೊಂದಿದ್ದಾರೆ.
Visited the Swami Narayan temple in New Jeresy with Anna.
Prayed for well being of all Bharatvasis & for the Indian Team to do well in the World Cup. Also secretely prayed for KL to smash it to all corners, have a great world cup and silence his critics like me.
Sab khush rahein. pic.twitter.com/CcVQif41yK— Venkatesh Prasad (@venkateshprasad) August 22, 2023
ಈ ಕುರಿತು ಟ್ವೀಟ್ ಮಾಡಿರುವ ಭಾರತ ತಂಡದ ಮಾಜಿ ವೇಗದ ಬೌಲರ್, “ಅಣ್ಣ(ಸುನೀಲ್ ಶೆಟ್ಟಿ) ಜೊತೆಗೆ ನ್ಯೂಜರ್ಸಿಯಲ್ಲಿ ಸ್ವಾಮಿ ನಾರಯಣ ದೇವಸ್ಥಾನಕ್ಕೆ ಹೋಗಿದ್ದೆ. ಈ ವೇಳೆ ಪ್ರತಿಯೊಬ್ಬ ಭಾರತೀಯರಿಗಾಗಿ ಮತ್ತು ವಿಶ್ವಕಪ್ ಆಡಲಿರುವ ಭಾರತ ತಂಡದ ಒಳಿತಿಗಾಗಿ ಪ್ರಾರ್ಥಿಸಿದೆ. ಅಲ್ಲದೇ ಕೆಎಲ್ ರಾಹುಲ್, ವಿಶ್ವಕಪ್ನಲ್ಲಿ ಉತ್ತಮ ಪ್ರದರ್ಶನ ನೀಡಿ, ನನ್ನಂತಹ ಟೀಕಾಕಾರರನ್ನ ಮೌನವಾಗಿಸಲಿ ಎಂದು ಗೌಪ್ಯವಾಗಿ ಪ್ರಾರ್ಥಿಸಿದ್ದೇನೆ, ಎಲ್ಲರೂ ಖುಷಿಯಾಗಿರಲಿ” ಎಂದು ಸುನೀಲ್ ಶೆಟ್ಟಿ ಅವರೊಂದಿಗೆ ಇರುವ ಫೋಟೋ ಹಾಕಿ ಟ್ವೀಟ್ ಮಾಡಿದ್ದಾರೆ.
ಈ ಹಿಂದೆ ಕೆಎಲ್ ರಾಹುಲ್ ಅವರ ಫಾರ್ಮ್ ವೈಫಲ್ಯದ ಕುರಿತು ಮಾಜಿ ಕ್ರಿಕೆಟಿಗ ವೆಂಕಟೇಶ್ ಪ್ರಸಾದ್, ತೀವ್ರ ಟೀಕೆ ವ್ಯಕ್ತಪಡಿಸಿದ್ದರು. ಬಾರ್ಡರ್-ಗವಾಸ್ಕರ್ ಟ್ರೋಫಿ ಟೆಸ್ಟ್ ಸರಣಿಯ ವೇಳೆ ಕೆಎಲ್ ರಾಹುಲ್ ಮತ್ತು ಅವರ ಉಪನಾಯಕನ ಸ್ಥಾನವನ್ನು ಪ್ರಶ್ನಿಸಿದ್ದರು. ತಮ್ಮ ಬ್ಯಾಟಿಂಗ್ ಫಾರ್ಮ್ನಲ್ಲಿ ಸ್ಥಿರತೆ ಕಾಯ್ದುಕೊಳ್ಳುವ ವಿಫಲವಾಗಿದ್ದ ರಾಹುಲ್ ಅವರನ್ನು ತಂಡದಿಂದ ಕೈಬಿಡುವ ಕುರಿತಂತೆ ವೆಂಟಕೇಶ್ ಪ್ರಸಾದ್ ನಿರಂತರವಾಗಿ ರಾಹುಲ್ ಅವರನ್ನ ಟೀಕಿಸಿದ್ದರು.
Cricket, KL Rahul, Venkatesh Prasad, Team India, Sports Karnataka