ಬ್ಯಾಡ್ಮಿಂಟನ್ ಏಷ್ಯಾ ಮಿಕ್ಸಡ್ ಟೀಮ್ ಚಾಂಪಿಯನ್ಶಿಪ್ನಲ್ಲಿ ಭಾರತ ಚೀನಾ ವಿರುದ್ಧ 2-3 ಅಂಕಗಳಿಂದ ಸೋಲುವ ಮೂಲಕ ಹೋರಾಟ ಅಂತ್ಯವಾಗಿದೆ. ಚಾಂಪಿಯನ್ ಶಿಪ್ ಗೆಲ್ಲದಿದ್ದರೂ ಕಂಚಿನ ಪದಕದೊಂದಿಗೆ ತವರಿಗೆ ಮರಳಲಿದೆ.
ದುಬೈನಲ್ಲಿ ನಡೆದ ಸೆಮಿಫೈನಲ್ಲಿ ಪುರುಷರ ಡಬಲ್ಸ್ ಮತ್ತು ಮಿಶ್ರ ಡಬಲ್ಸ್ ತಂಡಗಳು ಗೆದ್ದು ಎದುರಾಳಿಗೆ ಕಠಿಣ ಸವಾಲು ನೀಡಿದವು.
ಪುರುಷರ ಸಿಂಗಲ್ಸ್ ವಿಭಾಗದಲ್ಲಿ ತಾರಾ ಆಟಗಾರ ಎಚ್.ಎಸ್. ಪ್ರಣಯ್ ಲ್ಹೀ ಲಾನ್ ವಿರುದ್ಧ 13-21, 15-21 ಅಂಕಗಳಿಂದ ಸೋತರು. ಮಹಿಳಾ ಸಿಂಗಲ್ಸ್ ನಲ್ಲಿ ಅಗ್ರ ಆಟಗಾರ್ತಿ ಪಿ.ವಿ.ಸಿಂಧು ಗಾವೊ ಫಾಂಗ್ ಜೀ ವಿರುದ್ಧ 9-21, 21-16, 18-21 ಅಂಕಗಳಿಂದ ಮಣಿದರು.
ಪುರುಷರ ಡಬಲ್ಸ್ ನಲ್ಲಿ ಧ್ರುವ ಕಪಿಲಾ ಮತ್ತು ಚಿರಾಗ್ ಶೆಟ್ಟಿ ಎದುರಾಳಿ ಜೀ ಟಿಂಗ್ ಹಾಗೂ ಜಾಹೊ ಡೊಂಗ್ ವಿರುದ್ಧ 21-19, 21-19 ಅಂಕಗಳಿಂದ ರೋಚಕವಾಗಿ ಗೆದ್ದರು.
ಮಹಿಳಾ ಡಬಲ್ಸ್ ನಲ್ಲಿ ಟ್ಎಸ್ಸಾ ಜಾಲಿ ಮತ್ತು ಗಾಯತ್ರಿ ಗೋಪಿಚಂದ್ ಲೀ ಶೆಂಗ್ ಹಾಗೂ ಟಾನ್ ನಿಂಗ್ ಜೋಡಿಯನ್ನು 21-18, 13-21,21-19 ಅಂಕಗಳಿಂದ ಸೋಲಿಸಿದರು. ಇದರೊಂದಿಗೆ ಭಾರತ 2-2 ಸಮಬಲ ಸಾಧಿಸಿತು.
ನಂತರ ನಡೆದ ನಿರ್ಣಾಯಕ ಮಿಶ್ರ ಡಬಲ್ಸ್ ನಲ್ಲಿ ಇಶಾನ್ ಭಟ್ ನಗರ್ ಮತ್ತು ತನಿಶಾ ಕ್ರಾಸ್ಟೊ ಜೋಡಿ ಜಿಯಾಂಗ್ ಜೆನ್ ಬಾಂಗ್ ಹಾಗೂ ವ್ಹೀ ಯಾ ಕ್ಷಿನ್ ಜೋಡಿ ಎದುರು 21-17, 21-13 ಅಂಕಗಳಿಂದ ಸೋಲು ಕಂಡಿತು,