ಆಸ್ಟ್ರೇಲಿಯಾದ (Australia) ಏಕದಿನ ಕ್ರಿಕೆಟ್ ತಂಡದ (ODI Captain) ನಾಯಕ ಆರೋನ್‌ ಫಿಂಚ್‌ (Aron Finch) ತಮ್ಮ ಏಕದಿನ ಕ್ರಿಕೆಟ್ ಜೀವನದ ಕಟ್ಟಕಡೆಯ ಇನ್ನಿಂಗ್ಸ್‌ (ODI Innings) ಆಡಿ ಮುಗಿಸಿದ್ದಾರೆ. ವಿದಾಯದ (Retired) ಪಂದ್ಯದಲ್ಲೂ ಫಿಂಚ್‌ ಮಿಂಚಿನ ಆಟ ಆಡಲಿಲ್ಲ. ಅಷ್ಟೇ ಅಲ್ಲ ವೈಫಲ್ಯದಿಂದಲೂ ಬರಲಿಲ್ಲ. ಕೇವಲ 5 ರನ್‌ಗೆ ಔಟಾಗಿ ಪವೆಲಿಯನ್‌ ಸೇರಿಕೊಂಡರು.
ಶನಿವಾರ ಏಕದಿನ ಕ್ರಿಕೆಟ್‌ಗೆ ಗುಡ್‌ ಬೈ ಹೇಳುವ ನಿರ್ಧಾರ ಮಾಡಿದ್ದ ಫಿಂಚ್‌, ಭಾನುವಾರ ಕಟ್ಟಕಡೆಯ ಬಾರಿಗೆ ನಾಯಕನಾಗಿ ಆಸ್ಟ್ರೇಲಿಯಾ ತಂಡವನ್ನು ಮುನ್ನಡೆಸಲು ಕಣಕ್ಕಿಳಿದಿರು. ಟಾಸ್‌ ಸೋತ ಫಿಂಚ್‌ ಆರಂಭದಲ್ಲೇ ನಿರಾಸೆ ಅನುಭವಿಸಿದರು. ಇನ್ನು ಜೋಶ್‌ ಇಂಗ್ಲಿಸ್‌ ಜೊತೆ ಆರಂಭದಲ್ಲೇ ಆಟಕ್ಕಿಳಿದರು. ಆದರೆ ಹೆಚ್ಚು ಹೊತ್ತು ಕ್ರೀಸ್‌ನಲ್ಲಿ ನಿಲ್ಲಲಿಲ್ಲ. ಟಿಮ್‌ ಸೌಥಿಯ (Tim Southee) ಇನ್‌ಸ್ವಿಂಗ್‌ ಎಸೆತವೊಂದು ಫಿಂಚ್‌ ರನ್ನು ಕ್ಲೀನ್‌ ಬೌಲ್ಡ್‌ ಮಾಡಿತ್ತು. ಅಂತಿಮ ಪಂದ್ಯವನ್ನು ಅವರು ಎದುರಿಸಿದ್ದು 13 ಎಸೆತ ಮತ್ತು ಗಳಿಸಿದ್ದು ಕೇವಲ 5 ರನ್‌.
ತಮ್ಮ ಜೀವನವಿಡಿ ಇನ್‌ಸ್ವಿಂಗ್‌ (Inswing) ಬೌಲಿಂಗ್‌ (Bowling) ಮುಂದೆ ಫಿಂಚ್‌ ಒದ್ಡಾಡಿದ್ದರು. ಇವರ ಈ ವೀಕ್ನೆಸ್‌ ಅಂತಿಮ ಪಂದ್ಯದಲ್ಲೂ ಬದಲಾಗಲಿಲ್ಲ. 145 ಏಕದಿನ ಪಂದ್ಯಗಳಲ್ಲಿ ಫಿಂಚ್‌ 5401 ರನ್‌ಗಳಿಸಿದ್ದಾರೆ. 17 ಶತಕಗಳನ್ನು ಸಿಡಿಸಿದ್ದಾರೆ. ಆಸ್ಟ್ರೇಲಿಯಾ ಪರ ರಿಕಿ ಪಾಂಟಿಂಗ್‌ (Ricky Ponting) 29, ಡೇವಿಡ್‌ ವಾರ್ನರ್‌ (David Warner) 18, ಮಾರ್ಕ್‌ ವಾ (Mark Waugh) 18 ಶತಕ ಸಿಡಿಸಿದ್ದರು. ಈ ಫಿಂಚ್‌ 17 ಶತಕಗಳೊಂದಿಗೆ ವಿದಾಯ ಹೇಳುತ್ತಿದ್ದಾರೆ. ಎಡಗೈ ಬೌಲಿಂಗ್‌ ಮೂಲಕವೂ ತಂಡಕ್ಕೆ ನೆರವಾಗುತ್ತಿದ್ದ ಫಿಂಚ್‌ 4 ವಿಕೆಟ್‌ಗಳನ್ನು ಪಡೆದುಕೊಂಡಿದ್ದಾರೆ. ಒಟ್ಟಿನಲ್ಲಿ ಫಿಂಚ್‌ ಅವರ ಅದ್ಭುತ ಏಕದಿನ ಕ್ರಿಕೆಟ್ ಜೀವನ ನೀರಸವಾಗಿ ಮುಕ್ತಾಯ ಕಂಡಿರುವುದು ಬೇಸರದ ವಿಚಾರ.
